網誌分類：羊咩夫婦環遊世界 |
圖片
網誌日期：2009-10-30 23:55
今日一樣係6點3MORNING CALL，導遊話今日早餐係食BUFFET，我唸住會有D驚喜，點知還是食白粥、饅頭同雞蛋，分別只係白粥饅頭任食，這已經叫做BUFFET了！
昨晚房間室温只有9.5度，真係好鬼凍！同團友閒談間先知道原來房間有電被，只係我同 羊 先生唔知道，因為我哋這兩個大鄉里從未見過電被，攪到過咗一個超給寒冷嘅晚上。離開酒店前影張相留念先！
之後導遊帶我們去一個地方叫桑堆，它表面是一個平凡小鎮，但卻有攝影家冠以「天堂的顏色」美譽來形容，因為內裡種有不平凡的紅草，這是一個美麗的紅草原。雖然導遊已告訴我們紅草已枯，但我同 羊 先生亦認為這自費10蚊的入場費是值得俾。畢竟我哋翻山越嶺來到此，一定要入內看過究竟。果然入面是另一天堂景象，令人一看難忘！
