好好反省一下...

返工都返左4個月, 雖然人工唔多, 但都勝在有野做
對剛出來社會既我當係學習下先囉.
但可能自已實在唔慣對數字加文件,
到而家有時FILING/打DEBIT NOTE都仲會有D出錯, 唉
另外一個難題係..要出街搵料!
由一開始唔知邊間打邊間到而家連果度D人都開始認得/老闆都認得我
已經係一大進步
但都只在於搵色料姐
如果要搵五金既都仲未掌握到, 
因為搵五金料通常都唔會搵到一模一樣既,
大概差唔多都要
但佢又唔似搵色料咁可以拎色咭返去比人對, 而係要買辦返黎
所以壓力相對都大左好多
以我呢種蠻牛諗野唔多識轉彎既人都幾難!
就係上星期我要去深水埗搵五金啦, 點知搵黎搵去都搵唔到岩既,
而家同原辦有好多大分別TIM, 真係買唔落.
搵到個人都冇灑MOOD, 咁見到有個叫做比較似啦就打去問同事意見
唔知係我講得唔夠清楚定點, 佢講到有D忟咁
我就終於忍唔住馬尿就想湧出黎, 差D連拜拜都請唔到就收線
搞到係間五金鋪到喊到停唔到咁滯, LOR到死左..
因為好似咩都搵唔到又浪費左好多時間, 都唔知想點!
搞到隻眼好腫要係街度行陣先上返公司, 費時咁覺眼啦.
希望可以快D好快同準備確地搵料!
但真係唔係咁簡單, 單係記邊間鋪專賣D咩同平D都有排記啦,唉

呢個我會當係一個學習機會, 但係做長就多數唔會啦
基本我對呢行都冇咩興趣, 只係最初咩都唔知就諗住試下姐
搵料唔係令我卻步既事,
而係果種要成日對住電腦, 對住d袋, 開單呀走貨呀計價呢類野真係大冇興趣
仲有其他
所以而家係一個過渡期黎既姐
要加油呀HANNAH!!!!!!

係呀順帶一提我轉左新名HANNAH嚕