逃學威龍

呢兩日心情有點高高低低，

皆因又有颱風訪港，個風唔遲唔早，

啱啱好就喺我準備去旅行前兩三日開始，

喺香港附近遊吓遊吓。

一時話個風好勁會打到十號，

仲話最接近香港係星期六晚 (但我星期日朝出發喎!!)，

轉個頭又話個風減慢咗速度，未必打得成!!

喂!!  海高斯大佬，拜托唔好整蠱我一家呢!!

好！ 言歸正傳，

爸爸嚟梗幾日又要去曼谷做嘢，

見嗰邊政局唔穩定，咁為咗佢嘅人生安全，

我決定同小b充當佢嘅貼身保鏢，

保護主人過曼谷咁囉!!

講到呢度，

你地係咪想話: 「小b要返學喎!!」

為咗完成呢項咁偉大而又神聖嘅任務，

小b唯有被迫做兩日「逃學威龍」啦!!

爸爸成日話:「讀萬卷書不如行萬里路」，

所以今次其實只係一課「旅遊教學」啫!!

2歲9個月嘅小b (4 October 2008)

身高 = = = >> 91cm

體重 = = = >> 27.5磅