兩個散居於地球兩個截然不同地方的豆腐星人, 雖然他們的同步處理系統已經達至無人能及的超高技術, 但有些時候他們依然要靠地球上不同的通訊工具以作聯繫。可能這些地球通訊系統與豆腐星的技術相差一段距離, 以至這兩個豆腐星人出現了不同的溝通謬誤...以下是其中的一些例子~
(一) 於某一個星期天, 豆腐星人A除了黃昏的時間較為空閒外, 整天都有活動; 豆腐星人C則整天都忙過不停:
豆腐星人A: 今日我好多function呀, 今晚又可能會出去, 你應該搵我唔到架喇...
豆腐星人C: 噢, 原來係咁...我今日3:30-6:30, 即係你既5:30-6:30呢, 我要練大詩班呀...
豆腐星人A: 係喎係喎, 咁你俾心機啦....
幾個小時後......
豆腐星人A: 你今日真係好忙喎......成日都見唔到你online呢...
豆腐星人C: 係呀, 我今日同你講左啦, 我今日做足成日嘛...
豆腐星人A: (語氣暗藏埋怨)等我仲o係5:30-8:30專登online等你添~
豆腐星人C: 下, 唔係講左我呢段時間係最唔得閒咩, 你等乜鬼呀...
豆腐星人A: ...........哈.......哈......係喎可......
是否於地球住得太久, 漸漸喪失了記憶能力......
(二) 於某一次閒談之間......
豆腐星人A: 我今日撩到腳趾縮......
豆腐星人C: 下, 咩話? 人黎架?
豆腐星人A: 咩人呀, 我話我撩到腳趾縮呀...
豆腐星人C:......你識到一個阿叔叫做腳趾, 你撩到佢?
豆腐星人A: 咩呀......我話我今日撩到腳趾縮呀~
豆腐星人C: (一頭霧水, 開始亂估) 定係你識到個日本人叫做”了島卻子”?
豆腐星人A: (激死左) 我係話今日我手痕走去撩腳趾, 明明唔痕都俾我撩到痕,
痕到隻腳會縮...
豆腐星人C: -_-”
是否於地球住得太久, 漸漸喪失了表達能力......
(三) 又於另一次閒談之間......
豆腐星人C: 今天公司一周年, 會一齊出去食飯呀...
豆腐星人A: 咁好? congratulations...needa dress up? and make up?
豆腐星人C: ..............
豆腐星人A: and stand up? and hands up?
豆腐星人C: ..................夠喇.......
豆腐星人A: and do sit up? and u raise me up?
豆腐星人C: (大叫) 夠喇......好無聊呀......
是否於地球住得太久, 以幾何級數增加了無聊能力......
Angel Poon 2009-05-28 23:39
唔通你見到有一個唔係gag, 係fact? :P
阿詩2009-05-28 23:41
獅子大熊人 2009-05-27 13:16
Angel Poon 2009-05-26 23:54
好欣賞佢tim.......
阿詩2009-05-28 23:48