懷念舊紅館

(起左稿好耐，今日先有時間打完成篇野。) 今日開始紅館就會正式閉館半年進裝修工程.當然有新館用當然好啦,因為紅館設備已經舊啦,有最新設備可能之後演唱會都會好睇D.不過舊紅館都係比左好多回憶我嘅.貪新都要念念舊嘅.

記得我去紅館睇第一個演唱會係譚詠麟演唱會,呢.....果個好多dancer扮螢光海洋生物伴住唱"小珊瑚:果個演唱會.當時好細個啦,係爸爸媽媽帶我去嘅,之後就鍾意左睇演唱會啦.果陣時當然唔識keep起張飛啦,不過當時d飛好靚架,有哂歌手個樣係度,之後就習慣左睇完演唱會都會keep起張飛,而家都有成60幾張飛keep起左。下面係部份我覺得有特別意義同我覺得好睇嘅演唱會比大家分享吓。

哥哥告別樂壇演唱會,好慶幸我係最後一場嘅觀眾,張飛當年你話可以去你間為您鍾情換杯咖啡,當然我無換啦.哥哥欠我野一世喎,幾過瘾呀

呢場都係last show呢架

雖然而家Alex To out 左，不過我覺得呢個演唱會幾好睇架。

克勤成日講話無咩人睇果個演唱會，就係呢個啦。

真係好冷清，我睇呢場得個場一半人，仲有Ｄ未完場就走左。

不過我覺得克勤唱得幾好呀，係佢果陣時唔紅ja

呢個係我第一次睇城城嘅演唱會，我覺得好好睇所以之後每次城城開演唱會

我都會去捧場。

哈哈......好興奮呀，哥哥復出演唱會，仲要係countdown，勁好睇。

過左12點仲有梅姐做嘉賓勁high。

呢個演唱會真係好好笑，你哋睇吓個價，係呀真係$20買番黎架。

因果時王菲嘅演唱會真係好悶，有朋友識人有呢Ｄ內部平價飛。

不過就算係$20都唔係個個會去睇。如果而家王菲再開演唱會，

我好肯定一定爆場，我都會去睇。

呢個係我睇嘅演唱會最好睇嘅一個。當然因為哥哥啦。但係我覺得整個制作

都好好，rundown,服裝，舞台，由其是好欣賞個燈光，做得好靚。

個十幾分鐘madley 全場起身跳舞，個個觀眾都識得唱佢Ｄ歌，真係好正!!!!

可惜係佢最後一次嘅演唱會

又係countdown演唱會。係呀！我好鐘意countdown去睇演唱會，因為氣氛又
好，又唔洗出街逼。呢個演唱會當時間去到倒數時全場歡呼又叫又跳，真係
好好玩。

呢個係我地一齊睇嘅第一個演唱會 ，我會永遠都記得。

要錢買架，不過係半價內部門票。

呢個應該係我第一次去紅館唔係去睇演唱會啦。

雖然個演唱會無咩特別，不過大家睇睇個日期，係911發生嘅時間。
當我開開心心睇緊演唱會時，世界另一邊就發生緊浩劫，記憶好深。
真係世事難料。




係我地第一年慶祝countdown，真係好開心。




第一次情人節去睇演唱會，仲係聽李克勤，氣氛幾浪漫呀。



呢個都算係幾難睇嘅演唱會之一，可能個演唱會要迎合小朋友啦。
佢地唱現場真係好唔得，我地一邊睇一邊聽叱咤頒獎禮。
大家都知道個演唱會有幾好睇啦。



雪狼湖都應該係張學友同香港音樂劇經典。無論製作，演出者，歌曲都係一個
好高質素。希望將來香港都會有多一個同樣高質素嘅音樂劇。



演唱會part 2嘅slogan係"近十年最好睇嘅演唱會"，我唔係好應同。
不過一定係Aaron最好睇嘅一個演唱會，唔係我點會兩part都睇哂。




氣氛好，噏得好，唱得好，跳得好，總之好好睇啦。

雖然今次妳唔係坐我隔離，但係我都見到妳，見到妳睇得好開心。

識妳已經知道妳好鍾意梁漢文，都有個心願係同妳一齊睇佢嘅演唱會。

可惜未等到佢開演唱會我地已經........,不過可以同妳同一場睇，而且見到妳都

好開心，都算係完成左半個心願。

應該呢個係我同妳睇嘅最後一個演唱會。