感(二)

接上回.....

開始返工，係葵涌區，我當時住華富，要坐巴士到金鐘，轉地鐵到葵芳轉巴士至到。坐車都坐左兩個鐘，一入到去就馬上開波，跟條死鬼仔指手劃腳咁開始左個project啦，其他人就忙緊一個快將出街的project，我當時要係三、四日內要完成全個layout的工作，因為條鬼仔得個講字冇乜料到，所以我就要獨自完工，好在，都比我交到野，上頭OK，咁我至可以返到屋企食飯，日日OT好辛苦架~

今次事件之後，我就有左一Ｄ地位啦，當時公司個產品唔sell得，要縮人手，Ｄ行街就cut到得番四個，我個設計部就要cut鬼仔，佢人工高又做唔到野。咁我地開始接街客，我直屬老細同佢個靚靚老婆都要出搵客同做設計，我就變成設計部的主任了~不過晚晚收十點，殺野時重要返足一個禮拜.......雖然辛苦，但我覺得有前景，公司可以變得好好，我都可以好，但係!公司有四個老闆，我直屬老闆同我講個三個老細把公司Ｄ錢食左，重想起佢尾注，叫我跟佢出去搞，因為今個月會冇糧出，怕我走，冇左Ｄ之前Ｄ心血。我聽完真係火都黎，我OT得咁辛苦，你地Ｄ卦仆街就洗Ｑ晒重要冇糧出，又冇糧出，頂，第二次.......公司又破產，今次重搞上勞工處，上法庭，搞左六個月至追得番一個月糧，唉，六個月喎，餓Ｑ死晒啦，Ｄ勞工法都唔係保Ｄ打工仔，係保Ｄ老闆，應該叫做老闆法，老闆處！

＊有樣野要同大家講，我說係係Ｅ間公司識我現在個老婆，不過係離開左間公司之後有次機會見番後至開始的，世事好奇，有得又有失。

事件未完，之前話跟左個直屬老細繼續搞落去，故事下回載講。To be continue。