街頭霸王

唔覺、唔覺，距離上一篇 Blog 又有一段日子喇~所以今次一於送大禮，一篇 Blog 、三幅圖！！嘩~~係咪好驚喜呀！？.....hahaaa~~不過相信大家睇完個標題之後就已經打o左個冷震，口裡跟住發出：「嘩...而家乜野年代呀！？仲有人畫 街霸 o既！？畫埋 老夫子 o丫.......笨！！」（事實上，畫 老夫子 我正有此意~）。其實小弟對上o個次認真畫 街霸 人物，記憶所及都應該係小學年代o既事喇，我當年都曾經有一段時間好中意畫 街霸 人物 ga~事隔多年，如今再次繪畫，完成後o既效果當然與當年相差甚遠啦（慶幸有所進步....haha~），但小弟仍然讚歎 街霸 o既人物造形設定竟然經得起時間o既考驗，並且係百看不厭 tim ~~其實今次無啦啦畫起 街霸 o既原因，只係因為我無無聊聊咁畫野，畫o下、畫o下竟然畫出o左 街霸 角色 KEN 喎....（可見我小時真係受呢D人物設定影響不小呢~），慨然已經無啦啦完成o左一個角色，好啦~~咁我就出多少少力畫多兩個經典角色啦~~（其實本來我想畫哂 街霸 2 o既角色 ga，但係恐怕要年底先可以更新呢個 Blog ，所以放棄o左呢個念頭喇~）~~好~去畫~~

KEN~無啦啦畫出o黎o既~明眼人睇完可能會問：「點解佢o既眼眉唔係金色係黑色o既？」....，O......其實係因為我覺得o係呢張圖裡面黑色眼眉精神D者~~hahahaaa~~

RYU~畫完師弟，第二張就緊係要畫師兄啦~~

RYU 黑稿~

GUILE~經典o既遊戲點少得呢個經典o既角色呢~可能會有人問乜佢唔係有個 美國 國旗紋身o係手臂o既咩？......哈~其實係因為我唔記得佢o既紋身究竟o係左手定右手，又基於 少做少錯 o既傳統，所以我都係唔畫喇~~

GUILE 黑稿~

今次我對自己畫o既兩張 黑稿 都幾滿意呀~最滿意o既地方係覺得自己畫野好似同以前有D唔同o左..........唔同o左就即係有少少新野啦~~ 而且今次呢兩張 黑稿 都係直接o係電腦度畫o既，o係用電腦畫野上，都算係有少少進步咁啦~~

多謝收睇~~