起樓

2008年8月25日下午

軒軒近排好鐘意盼超人，成日跳梳花跟住跳落地，有LOOK的櫈，跳去另一張有LOOK的櫈，跳婆婆張床，跳跳下跳落地..............等等。

話說，軒軒係樓下公園玩時，又去石櫈上面度跳，點知.......由石櫈跳落地時，唔知係咪失平衡，個人係咁向前沖，行左好多步，個頭撞左去公園個氹氹轉度，眼同眼中間即時起了層樓，唉...........撞過小小都好大件事，軒軒一向都唔叫痛，就算係公園比小朋友單車LOOK過都話唔痛，今次問佢痛唔痛，佢話好痛。

唉....都好，比個教訓佢，等佢下次唔好啦，點知.....昨天繼續係公園張石櫈跳上跳落。

我昨天睇佢，真係腫得好利害，婆婆公公烚了個雞蛋比佢LOOK，D瘀去晒兩邊個眼角度，星期五仲約左老師添，真係醜死鬼。