網誌分類：巴黎、瑞士 |
圖片
網誌日期：2008-08-03 19:00
27/06/2008 - 12/07/2008 巴黎、瑞士之夢想自遊行
我嘅夢想遊終於實現咗啦！
今次嘅遊記比起之前嗰兩次日本自遊行寫得比較簡單，因為成個行程裡面要兼顧嘅嘢太多，變咗少咗時間記底啲嘢！返到嚟有好多嘢都記唔起。所以只係略略記底個大槪。
雖然自遊行唔係第一次，但咁長時間去一個咁陌生嘅地方真係有啲緊張嫁！而遇上航班延期都係第一次，其實而家諗返起都有得著，起碼我學識點去應付哩啲環境，點去處理跟住落嚟要做嘅功夫。
完成今次旅程除咗有好大滿足感外，自己亦有好大恩惠，我好慶幸自己今次有同埋媽咪去哩個旅程，見佢玩得咁開心，返咗嚟成個月啦！佢重不時掛喺口邊到邊到有幾好玩，而其實佢喺我身邊亦令我喺旅程中有份安全感。哩個世界真係好多嘢預料唔到，可以做到真係要即時盡量做。
所以我又有咗下一個目標啦！因為今次好多地方要行，而老豆對腳而家一行多少少路都話痛，唔係好行得遠，所以今次佢去唔到，等我年尾有假同佢兩個跟團去啲舒服啲嘅地方啦！(雖然我而家唔係好鐘意跟團)
今次旅程並唔係買咗好多嘢，因為啲嘢真係幾貴同埋有好多香港都有得賣，所以我哋都冇好似喺日本咁大出血呀！
喺Lafayeffe買嘅朱古力
代表巴黎嘅磁石貼同鎖匙扣
瑞士出名嘅朱古力
瑞士刀仔同Swiss card
喺少女峰買嘅刀仔
好得意嘅磁石貼
鐘仔磁石貼
購票要訣1. 點到點車票 (Point to point Ticket)無論在網上或車站買票，儘可能"一票到底"，除可免花時間......
小千與卡西火 2009-04-26 09:17
Shirley2009-04-26 09:38
咁而家等佢覆啦! 如果有auto email應該唔使驚, 希望哩幾日會聽到你嘅好消息啦! 冇事嘅!!
小千與卡西火 2009-04-26 00:11
Shirley2009-04-26 08:59
吓..! 冇郵寄??? 我哋嗰啲真係寄過嚟咖喎! 咁你有冇個order no. / reference呀? 因為我上次confirm晒後佢哋有個auto e-mail比返啲資料同有啲reference咖! 不如再send多次e-mail(連ref.)問吓佢哋啲票嘅status吖! 如果佢哋唔寄票咁點樣處理啲票呢?
小子 2008-11-16 23:13
你的手信比我的多得多呀！
希望你有空也來看小子22天西歐六國我自遊網誌，歡迎批評指教！
Shirley2008-11-21 08:54
我哩次啲手信真係唔算多啊!
我有追你個西歐遊記咖!
毛豆 2008-09-21 22:07
Hi , 你好呀 , 一口氣睇哂你既巴黎 ,瑞士遊 , 真係正呀.......可以自己安排好行程 , 真係可以睇好多野同去好多地方呀.......跟團就差好遠 , 太多野都唔夠時間 , 同埋去唔到好多地方........我都好想再去多次 , 不過 , 最想既係去意 ,法2地 , 因我最鐘意係睇建築同雕塑 , 博物館之類 , 瑞士都係好 , 不過以風景為主.......比較上意大利最鐘意 , 個度既人好熱情 , 冇法國人貢cool, 同埋意大利野食係我至愛呀.....
你真係好本事 , 可以自己編個行程 , 等我下次打算去時 , 要黎向你請教呀.....
Shirley2008-09-22 07:28
你真係客氣,唔好講請教, 大家研究吓啦! 意大利都係一個好地方, 啲嘢又冇瑞士咁貴, 但係我驚驚哋佢哋嗰到嘅治安, 因為我之前跟團去過意大利, 導遊喺同我傾緊計時比人扒荷包, 又一對年長夫婦比人當街搶手袋, 我對意大利留有好大陰影呀! 而且我自己唔係好識雕塑, 所以就今次冇選意大利, 不過聽人講意大利人係nice啲嫁! 我哋最尾嗰日都叫做踩過吓意大利境吖..哈...哈.!
咁就等你下次去時一起研究吓啦!
ccqcmc 2008-08-14 09:38
Shirley2008-08-14 19:36
哎呀!你咁真係過獎啦! 講搞到我真係唔係幾好意思都唔知點好....
Lappeli 2008-08-14 01:50
Shirley2008-08-14 07:30
少少啦! 手信點都要買啲嘛!
丫頭 2008-08-12 12:47
好開心呀睇你個blog, jealous of u
遅d等我有$$我都要去歐遊
太多地方想去了haha
Shirley2008-08-13 07:50
好呀...好呀!去玩唔使做真係好開心嫁!
美樂蒂♪ 2008-08-11 15:34
我的dream trip是環遊世界～
Shirley2008-08-11 20:52
環遊世界...我都想呀!
天使 2008-08-11 09:14
我都好想再去多次歐洲呢~~~
自由行真的很好玩!!!!
Shirley2008-08-11 20:55
悠悠閒 2008-08-08 19:59
你喺瑞士有冇食芝士火鍋呀? 我有呀, 超臭! 又唔好味, 好鬼難食呀!
仲有一樣搞笑野, 我地果時好鬼井底之蛙, 以為瑞士軍刀係軍人用嘅刀仔, 好型果D, 跟住四圍搵, 又問人邊到有得買, 點知原來係周街都有得賣嘅萬用刀, 好 火羅 囉
Shirley2008-08-08 21:28
本來諗住食,點知喺Lauturbrunnen間Hostel時食,但佢哋話而家冇哩個服務所以冇得食,去到蘇黎世時hostel樓吓好多餐廳都有得食,但聞到哩啲味就想嘔所以就冇食囉!
啲軍刀以前真係啲瑞士人送比會去打仗嘅家人嫁,不過而家就變手信啊!但佢哋個個瑞士人都總有把軍刀袋喺身嫁!
nanako 2008-08-07 22:55
遊記好精彩呀!
人生去到一次dream trip, 真係fulfilling!
Shirley2008-08-08 07:47
多謝多謝, 其實我重有好多DREAM TRIP嫁!
小鳥 2008-08-06 19:17
Shirley2008-08-07 07:16
L H 2008-08-04 21:45
好呀，好呀，將來大家三人再一起旅行。
這個巴黎磁石貼愈看愈靚。真識貨。
Shirley2008-08-06 09:18
Jeff 2008-08-04 08:39
Shirley2008-08-04 20:39
L H 2008-08-03 20:43
終於寫完妳的旅遊遊記，同樣地也完成你的第一個夢想遊，其實也不是一件容易的事。知道妳用了很多時間去搜集資料，辛苦哂，才有完美的旅程。
我覺得自遊行留下很多難忘的事，而今次妳同妳媽咪可以一起留下這個美好及難忘回憶，真是很真貴及很難得。希望妳將來有更多美好的經驗及很好的回憶。
同你媽咪一起去我都很開心。而她的工作也不少，是大廚，是在超市購物指導員，又是幫手搬運行理的人員(我想她是最大力果個)，更是賞花的資深導師，更會出錢請我們吃零食，還有，很多影相的 post 士，我們都是跟她學，才影出很多靚相。總之，大家也有好的回憶。
Shirley2008-08-04 07:32
完成哩個旅程真係唔容易，好開心有你陪我完成，而且你有一份冒險精神，咩都去試吓先會令我有咁多難忘經驗，又好彩多得你嘅諒解，唔會一路搬四層樓梯一路鬧鬼我book間咁嘅嘢。
B女都話好開心同你去哩次旅行，而家重成日話你影啲相攞角度靚過我好多，有專業水準。
希望我哋喺將來日子重會有機會一齊再去創造哩啲開心難忘嘅回憶，好多人都話知己好難搵，可以一齊去到旅行嘅知己重難求，我真係好好彩有你同行呀!
(你哩篇回覆係咪寫咗好耐呀??)