出土文物

部門嚟咗個新秘書.  佢上工第一日, 我出𨋢, 班receptionists 已經笑騎騎划住我講 [嘩~ 哈~~ 乜你哋個新秘書, 咁正嘅......?]

入到office, 眼都凸

佢, 短髮, 三白眼, 金絲眼鏡, 素顏BUT 桃紅色lipstick, 加上用同一隻布料造嘅鬆身套裝同鞋, 厚肉色絲襪......   呢D, 根本係電視劇醜女嘅造型, 不過佢唔係扮, 係真.

佢, 唔過4 張, 但D 言行舉止成個阿婆咁, 講嘢慢半拍又冇聲, 見到都頭痛! 

早兩日逼住同佢同檯食飯, 坐佢隔離, 佢支筆...... 竟然係金色坑紋幼身parker!!!!! 咪同我老豆嗰D 叔父輩用嘅同款!? 

最恐怖係臨尾食食吓, 佢突然唸唸有詞同碟菜芯講嘢 [菜呀菜, 你係唔係好'鞋'呢? 點解冇人食你㗎?]...... 死得!