我覺得最妙的是坐長途飛機。今個暑假去加拿大，我是坐凌晨十二點半機去溫哥華，因為早上仍要拍攝《蘇 Good》，結果到下午三時趕到完工，一上機看了少少電視便呼呼入睡，當然連飯也沒有吃，一睡就睡了七、八個鐘，因為實在太累了。醒了，原來想叫空姐給我一碗牛腩麵，後來想想，不！瞓醒個口那麼臭，於是又要從暖屈屈的被窩中爬起床去刷牙。中途有想過放棄食牛腩麵的，但想了一想，到了溫哥華仍要在機場個多兩個鐘等轉機呢。你都不知道，吃那碗牛腩麵都掙扎了半小時，為的是要起身刷牙跟空姐叫碗麵。唉！如果當日有支 Colgate wisp就一天都光晒！
當然另一個好用途是年青去拍拖，熱吻之前一定刷一刷。吸煙人士尤其要用，我試過一個按摩師，一個電髮師都食煙，嘩！按摩真頂唔順，除了口，手都有煙味，結果都是改用另些非吸煙人士，電髮師亦一樣。不過，我都曾食過廿多年煙，自己不覺的，還有食完榴槤都有少少用的。
Colgate wisp有 Peppermint和 Speahrmint兩種口味，香港還未有得賣，志雲送我的「口臭」牙刷是由美國帶返來的，我現在當它是寶呢！