從香港出發 ~ 第八站 - 英國的第四天

 <大英博物館門口>

今日係我期待己久既日子，因為我地今日係去有名既大英博物館。我地搭地鐵去到大英博物館，朋友說我地要行足大半日我都不信，原來果度真係好大，而且用唔同既國來分開好多唔同既展館。首先我地行既係睇一些古埃及文物，而古埃及同古希臘既文物比較多，行得耐都有點厭悶，不過有些都幾值得欣賞的，我地又實在影左太多相啦，不能盡錄。不過有一個展覽館我特別喜歡既，就係由匯豐銀行贊助既銀紙既歷史，有好多唔同國家既錢幣發展同錢幣既展出，我發現竟然有我地中國人既陰司紙，奇怪，咁都算係錢。行完我起門口買左一隻熱狗食，算係試下英國人既地道野食啦。

<古希臘神殿>

<小型獅身人面像>

<乾屍>

<木乃伊棺木>

<木乃伊>

<木乃伊的手指-好恐怖呀>

<中國唐三彩馬>

<一件好有名既展品，但忘記名字>

<匯豐銀行展覽館內的冥通銀行存摺>

<匯豐銀行展覽館內的中國古錢>

<大英博物館門口食熱狗>

下午本來去搵一些舊既歷史遺址，唔知係本旅遊書指錯地點定係誇大左，有D地方就好失望，有D就搵唔到。跟住我地就去行名人油畫博物館，可惜果度唔准影相，果度有D名人油畫真係好靚。

<名人油畫博物館內的伊莉莎佰一世女皇油畫-偷影的>

行左一日，又係搵食既時候，我地決定要食最地道既英國食物，登…登…登…凳，就係Fish and Chip啦。不過佢地D魚好腥，唔好食。