BB愛"R"痕

近期真係唔係好開心~

成日都有個天使同魔鬼係度大鬥法
魔鬼: 你睇下你幾慘~你有左，大家都好似避開你，唔同你玩!!
天使: 其實大家關心你，唔想你走來走去迫親你，所以你老公、屋企人、同事、朋友唔預你，你唔好唔開心呀!!
魔鬼: 緊係唔係...其實你老公想綁實你，你D同事 & 朋友嫌棄你，佢地仲唔襯LEE個時候疏遠你呀! 呵...呵... 佢地特登乜都唔預你架!!

今早媽咪都有問我: 點解唔出去行下?? 唔搵下朋友??
我心諗: 你個女被人嫌棄呀~ 邊有人會約我?? 你女婿都叫我唔好周街去啦!! 除左返工放工就係返屋企!! 你個女又唔行得耐，又唔迫得...仲邊有人會理我~
飲完茶媽咪同豆子去大埔攞野，而我自己一個返屋企，媽咪都叫我唔好周圍走，唉...媽咪LEE頭問我點解唔出去，LEE頭咪又係叫我唔好周圍走!!
於是我答: 你咪又係叫我唔好周圍走~
媽咪答: 你依加自己一個丫麻!!
我心諗: 咪係LAW~ 我都會有一個人既時候，唔通個個都送我返屋企咩??

之後就去左剪頭髮，覺得有左既媽媽係唔應該咁既，去扮下靚先!! 雖然個個都認為我邊度都唔去，但我都唔可以成個癲婆咁，我都要做個靚靚既大肚媽媽!! 剪完個頭髮，真係好開心，因為覺得自己好似返去未有之前個種感覺，得閒攪下自己D頭髮...呵...呵...

近期天氣轉涼個肚仔真係好痕，發覺"R"邊度，BB就係邊度頂，佢好似好鐘意"R"佢個種感覺，好攪笑!! 我老公"R"佢唔係度既地方，點知BB又鼠過去，好攪笑!!