網誌分類:天使心情 |
11月1日~ 係海洋公園本年哈佬喂最後一天
我原本唔打算去玩
但居然係星期五晚上收到call話有免費飛
既然唔使錢~ 又有我最好朋友一齊, 當然去囉!
聽聞海洋公園今年有7間鬼屋
因為有太多人關係
根本都等唔到d人散場, 都逼住要入去lu
但亦勝在咁, 我可以大玩其中6間
唔知係咪上年去過海洋公園及迪迪尼哈佬喂
今年咁多間, 我全部自己行冇人陪o既情況下, 一丁點都唔驚...
其實都差唔多....
但講真, 我有幾個位幾鐘意
第一:有煙霧, 加強無助感, 但我都話全程自己行, 本來就冇人陪, 我只係擔心撞到野
第二:間鬼屋唔係密封, 果間仿日本鬼屋的, 有開揚位, 可以望番原本日本花園設計, 好涼爽
第三:全園設計最佳, 亦係最嚇人o既鬼屋, 就係「彭氏兄弟設計o既鬼域」啦~ 我最欣賞係有個類似墳墓o既地段, 如果唔係咁多人, 我又要行得慢小小...或者我會驚, 但其實我想講, 佢整得好靚~ 另外有個地方, 將必經之路行的高度調低一半, 咁行過o既人都必定會蹲低身, 摸住上面吊住o既布黎行, 冇啦啦會有隻手伸出黎
總結都係冇人嚇到我~
反而我嚇親職員~
hahahahaha
點解??
因為我一把電直長髮
我將部份頭髮撥前, 用髮夾夾住, 固定頭髮, 唔俾佢返到後面
咁就完成我個「鬼火咁靚」o既樣啦~
入屋前, 當然就要set好個頭啦~
排到隊前, 有個職員望住我, 好驚訝咁:「你! ....」
hahahaha
佢以為我係演員~
入到入面, 大家都應該知扮鬼者有個規矩, 係唔應該掂到d客
但我個樣可能太似鬼
好幾個演員用水袖、手摸下我d頭髮
我估佢地都好驚撞鬼~
如果想d演員唔嚇你, 你都可以扮下鬼~
最搞笑係, 我個樣連同我去o既朋友都嚇親~ ![]()
大家都可想而知, 我個樣(一向都唔化粧)有幾恐怖~![]()


yee 2009-11-08 07:54
笨媽媽快樂家 2009-11-07 17:08
yee 2009-11-06 13:15
傻天使2009-11-07 00:21
yee 2009-11-04 14:08
傻天使2009-11-04 18:21
GarY 2009-11-04 11:47
Y!BLOG人員處事不知所謂!系統無故發生故障而未有通告,繼而又修改什麼SPAWN內容,與民為敵!垃圾廣告垃圾廢人留言不斷發表廣告而Y!BLOG無以視之!
..................................................................................................傻天使2009-11-04 18:21
菠蘿叉燒包 2009-11-04 10:13
傻天使2009-11-04 18:20
或者有得諗喎~
但係入場時睇住每人扮相??
wing workshop 2009-11-04 01:35
出年你可以去海洋公園做part time扮鬼嚇人渦
傻天使2009-11-04 08:33