網誌分類：生活里程碑 |
圖片
網誌日期：2009-06-10 21:56
今日傻馬補假唔使返工,但係就有節目...就係去電腦展.咁啱傻魚今日約咗網友甲君去東京食晏,就叫埋傻馬一齊去...東京駅附近實在太多選擇,都唔知食乜好...見傻馬之前講話一直都未食過...咁就...
呢間喇...啱開兩個星期咋...網友媽咪見到實會好想食.
食物就同新宿,惠比寿一樣...蛋糕就因應季節有啲新嘢咁喇...今期係蜜瓜蛋糕,一千五十円一件!!!食晏就梗係唔會齋食蛋糕喇...一人叫咗個意粉套餐...
沙律,好味!
傻馬個芝士番茄意粉...
網友甲君同傻魚都叫咗呢個白汁雞意粉...好味!!!
今日跟餐o既"是日蛋糕"有:
傻馬o既抺茶蛋糕...
傻魚o既朱古力蛋糕...朱古力味好濃郁,正!!!
網友甲君o既栗子蛋糕...傻魚覺得甜咗啲...
食完傻馬走先,傻魚就同網友甲君行咗一陣街.之後網友甲君有事走先,傻魚就搭"綠線"返新宿繼續行街街.走咗去西口間"要你苦惱"旗艦店,買咗兩件衫...
後日出遊,又係時候要清貨...晚餐又係一鑊熟...
羅宋湯鍋...落埋烏冬一齊煲...咁大煲,梗係食唔晒喇...傻馬話留返聽晚食喎...是旦喇...都係傻馬食啫...呵!
