網誌分類：生活里程碑 |
圖片
網誌日期：2009-06-04 21:19
今朝做完家務,求其食咗個晏,然後就驅車去便利店買雜誌.點解唔去書店買?因為去某兩間便利店買嘢可以儲分,咁就梗係要儲下喇...買完雜誌就去超市入貨.今個星期第二次入貨,使咗六千幾円...食啲乜好貴呀?傻魚都唔係好知...算喇...唔好慳食,慳其他嘢囉...
返到傻家樓下見到黑貓好舒服咁坐喺度,即刻停車打個招呼先...貓貓,夜啲得閒冇嘢做就上o黎玩下喇~可惜隻衰嘢又唔多睬傻魚喎...凈係左眼咪開一條線望下傻魚,跟住打咗個大"喊路"...好喇,好喇~唔左住貓貓"曬太陽"喇...下次買餸帶埋部相機去至得...
奶奶啲湯包唔係凈返好多,所以今日唔煲"奶奶靚湯"喇...
三絲魚翅湯係傻馬至愛.傻魚飲咗三份一之後,傻馬就會開始"混醬"...混啲乜?胡辣粉,蒜茸,辣油,紅醋...混完變咗酸辣湯...勁~傻魚真係好擔心傻馬個腎...o黎緊要做身體檢驗,傻馬要暫時"戒混"...大條道理喇~呵呵!
飯後有美國車李子,二百九十八円一盒...正!!!
