白行的西葛西

朝早起身見幾好天,梗係出街喇...傻馬話去睇花喎...肚餓食乜好?傻馬話出街食...韓國嘢...傻魚唔制!!!又話帶傻魚去食"豆腐仔",講咗大半年都仲未食過...結果梗係如傻魚所願喇...

間嘢原來喺美國都有分店...

呢個豆腐幾好味...遲啲試下自己整o黎食先...

叫咗個小辣豆腐鍋,好味~

再o黎個石頭鍋飯...正!!!

食完就搭"綠線"去高田馬場轉地鐵...

o黎呢度...睇地圖,原來要行好遠...是旦喇...

途中影下...點知行行下落雨喎...仲要越落越大...行到中間位,喺巴士站停低避下雨.見啲雨係咁落,傻馬話都係放棄返轉頭算喎...

睇唔到花咪影下街邊嗰啲囉...好過冇...

呢個位幾靚...

又影下街花...啲雨好似開始細返...返到駅附近行下街,去咗一百円店買嘢...之後見到麵包舖...

好得意呀!!!

忍唔住買咗幾個包...

走走地樣o既叮噹...

好搞笑o既麵包超人...

結果今日係白行,天未黑已經返到傻家...