採礦男

基本上前幾日已想呢篇blog了.

諗緊呢篇blog應用咩名好. 唔係諗唔到, 係一野有太多太好太貼切標題; 如"大圍火車站恐佈事件", "大圍礦工"or"鼻屎男"等等.

當晚我估我時運低, 話說我去到大圍火車站往沙田果邊某一格月台, 我順理成章企係度等車, 報告板顯示仲有成5mins先有車來, 咁我就一野擰轉頭....就, oh no~~

呢個世界有太多cheap精喇, 見到一名身形略胖, 身穿紅衫, 年約廿多歲既四眼男子不斷用食指"採礦", 仲係狂撩果隻, 我跟住已啤住佢佢仲夠膽死望住我狂撩, 係咁挖挖挖........最恐佈係佢挖完再將粒鼻屎係咁揑, 跟住你唔好以為佢再彈走粒野咁簡單....而係, high落佢坐緊張櫈度(佢左右兩邊都有人坐緊!!)!!!!! 正一死變態!

整件事既精髓係, 我全程啤實佢但佢仲可肆無忌憚望番住我不斷係度"掘礦"同公然將d屎周圍high, high落張休息櫈度, 極度噁心, 願每位讀者都倍我一齊拎住個嘔吐袋狂嘔吧, yeah~