忙碌

個分類係話我太得閒亂唸嘢，不過事實上我係非常極之唔得閒；但係就真係正在亂唸嘢。

好忙嘅我，聴日又係忙碌的一日，都仲有時間喺度寫blog。實不相瞞，本人犧牲緊自己嘅睡眠時間嚟記錄下。

第一，自己真係無橫財命，申請過無數嘅獎學金都沉海。原本學貸有個優惠係如果個學生成績好攞到第一級榮譽學士嘅話，就唔需要還學貸。不過2年前，即係我想申請嗰年，因為太多學生無還嘅原因，就取消喇！！大家無論成績好壞都有還錢。點知2年後嘅依家，成績好嘅又可以唔使還！！激死我！！我就因為唔想還錢而無申請。頂！！！！

第二，我喺星期一之前要唸定至少10只橋，present俾老師。10只！！！我依家唸一隻都為有任何概念，10只？？明年請早。創意先生應該喺短時間之內都唔會睬我。自己真係犯賤，明知就無創意天分，就偏偏要讀呢一科。係咪自己攞嚟嘅？？

第三，如果我係有錢人就真係超級無敵perfect喇！因為最近行街嘅時候，雙眼望到嘅都呼叫緊我帶佢哋番屋企。方法好簡單，我只需要打開銀包，攞幾張紙俾人就ok喇！！問題就喺呢度喇,本人銀包裡面紙嘅數目少得可憐，價值亦小得嚇人，所以好多次行街都係空手而歸。唉~~


啲傷心事講咗3個先，因為本人真係好掛住周公，要快啲同佢會合。
閃~~