intern

最近本人正為咗下個sem嘅industrial training啲事實在煩到爬上天花板。

原因1，校方說俾嘅限時實在是太短喇！！！由briefing到交offer letter嘅deadline只有僅僅嘅2個幾禮拜，又要寄resume，等消息、面試、批准、先至可以攞offer letter。請問照道理講，2個禮拜邊夠完成咁多嘢？？好多公司最少都需要大概2個禮拜嚟process你份resume，仲要面試、考慮等等，等到出offer letter嘅時候，已經過嗮deadline喇！！！仲要，我哋身為學生要求人哋公司收留自己做intern已經係有求於人，唔通仲要我哋時不時打電話催人哋咩？？？


原因2，上個禮拜搭正係我嘅short film assignment shooting week。成個禮拜，訓嘅時間都已經唔係幾足夠，仲要忙其他功課，加上industrial training嘅事，真係得閒死，唔得閒病。所以，好多事都被拖延。


原因3，本人嘅經歷實在太唔見得光喇！！工作經驗如果講出嚟就真係滑稽，所以可能因為咁所以到宜家位置我都未收到任何一間公司嘅通知，無論係去面試，或者係被拒絕都好，我嘅電話都未曾有任何動靜。


最後，做出最壞嘅打算，就係任人擺布，由校方嚟決定我應該去邊度做intern。