有借有還~~

好人真係未必有好報，有時候真係好心做壞事，損己利人。

一早就聽開啲朋友話借嘢俾人，比投資股票仲要冒更大嘅險。

如果係借套裝式嘅嘢，仲嚴重！！！因為分分鐘有好大可能人哋唔會完美無缺地，原本歸還俾你呢個主人。

最近睇到一個朋友寫blog，關於佢之前借咗套漫畫俾人，不過就收唔番完完整整嘅一套；借咗本書俾人歸還嘅時候都已經毀嗮容，所以從此以後對於要借嘢俾人都多咗一份顧忌。

呢種心情我係非常極之明白嘅，因為我本身嘅親身經驗都唔少。借咗成套VCD俾人，還番嚟嘅時候竟然少咗一兩只！！！我仲蠢到過咗差唔多成年之後，先至發覺！！真係捶心喇！！！唔端端一套完完整整嘅VCD，就咁無咗。我係衰嘅，點解人哋歸還咗之後我竟然無留心去check清楚究竟人哋係咪還得完整？？？真係蠢到無人要啊！！！

激心啊！！！

我本身好鍾意嗰套劇呷！！所以先至會收藏佢嘅成套VCD，點知..... 唉....

所以我宜家對於借嘢俾人都多咗一分顧忌，唔單指，中多咗份避忌添！！對於借嘢俾人真係有陰影。

我自問逢同人哋借親嘢都會好小心保管，可能會收的耐啲，不過都總算係完璧歸趙喇！！點解人哋唔可以以同一種方式對待我所借出去嘅嘢呢？？？因為我都一樣唔係第一次借出去收唔番完整嘅嘢喇！！！