我的自愿

有人曾經問我，“點解會咁希望去到TVB工作？？難道其他地方唔好？？點解就一定要喺TVB？？”

點解？？

其實TVB啲電視劇我真係由細睇到大o架！！我仲記得以前大概4、5歲嗰時，本人除咗睇【芝麻街】之外，仲會陪喺媽咪旁邊睇港劇，隱約記得睇過o既係【壹號皇庭】，應該就係我睇o既第一套劇，可能會有其他，不過目前有印象o既就係【壹號皇庭】唔知2定3，之後收睇o既有【再見亦是老婆】等等（唔好意思，真係唔記得啲名）。

不過講到真係引起我想加入TVB o既電視劇係【緝私群英】，睇咗呢套劇之後，我發覺自己對於編劇好有興趣，仲亦呢套劇o既故事為藍本，自己加角色改故事，呢樣嘢就變成我o既興趣，到以家依然係我最大o既興趣。之後就陸陸續續以【保護證人組】、【廉政行動組】同【闔府統請】啲故事為藍本，進行加角色改故事，慢慢就變成習慣，變成一種生活樂趣，以都變成我立志想做編劇o既主要因素。

改故事之餘，我亦開始自創故事，寫fanfiction，之前有個網站專門為有好似我咁o既興趣o既人發揮o既地方。之後我就轉換講自己o既作品發表喺自己o既blog度，以方便我自己做整理。

之後因為受到台灣偶像劇o既影響，自己o既寫作方式就改由以前用開o既對白方式變成小說方式，睇落都比較可以見人。

到現在我已經距離出嚟社會工作o既日子越來越近，希望自己真係有機會實現夢想，勇闖TVB！！