新工, 新車, 新屋~

踏入9月份生日月,  生活上突然間有好多轉變呢!

考完車牌個日個agent 就打黎話有工介紹, 需要用車番工, 於是就係幾日之內買左架車, 雖然已經係3手架喇, 不過都keep 得唔錯, 里數比同齡既車低, 價錢又係我budget 之內, 所以很快就決定了!  同我bf 個部一樣都係 Honda Jazz, 都係 03年款, 都係藍色!  唯一少少唔同就係我個部係 V-Ti, 佢個部係V-TiS. 就係咁, 我地就用"情侶車"喇....=.="

買完車等二日就番新工喇, 跟手仲搬埋屋!  新地方黎公司近左, 繁忙時間大約駕30分鐘車就到. 其實都係番左工兩個多星期咋, 係一間food company 既 QC lab 度做 lab tech. 不過就好過之前個份好多, 真係可以落手落腳做 testing, 學多d野. 而且都幾悠閒架, morning tea 好多時都tea 成一個鐘, lunch time 雖然就話半個鐘, 不過通常都hea 成 一個半鐘既; afternoon tea 又大半個鍾, tea 完都放工lu!  d 同事都好nice 呀, 又成日拎野食番去 share, 所以感覺上我番工係食野多過做野!

我地冇得住大屋喇~~~ 搬左去一個兩房既 apartment, 個屋苑同附近既樓都係新起既, 所以整個區感覺都好新. 間屋細左, 我打掃都唔駛咁辛苦喇  不過個廚房超細呀, 好唔習慣~  係屋企行200米左右就有個公園, 我地放工就會帶mini cooper 去玩, 佢地不知幾開心呢!