HONEYMOON 馬爾代夫 day 3

朝早既活動就係玩浮潛. 真係好期待架. 因為聽d人講, d魚真係係你附近游黎游去. 去之前當然食早餐先啦.

今日既早餐同尋日一樣, 不過d包d料唔同.

我地之前book左10點去driving center. 之後揀一個45mins連10mins教學, 每人40蚊美金. (唔連教學就35蚊).

個教練先同我地係沙灘岸邊教我地點樣呼吸. 我地好快就上左手, 原來係岸邊都可以見到好多魚呢.

學識左之後就坐風帆出海, 出面真係幾大風下.... 坐左一陣間就到左指定地方. 呢到大約最淺有2m, 最深4m. 我地落左水後, 真係見到好多魚游黎游去, 仲有好多珊瑚.

跟著原來附近都有人(日本人)一齊玩浮潛. 佢仲俾左d 麵包我地去餵魚呢. 佢話要 little little..但bobo呢, 整到d包變晒粉末..d魚點食 = ="

我就好大方咁, 一粒一大粒餵...d魚真係瘋狂而黎...大條又有, 一群細魚又有. 不知幾開心. 不過有時都幾大浪...我飲左好多水....= ="

玩到咁上下, 都有d累, 我地都玩左20分鐘...好快就上番隻船到. 之後就返去了.

沖完身之後就返房食lunch. 今日我地叫room service, 叫左個pasta. (當然叫d我地明白既英文材料, 哈哈) 個pasta26美金.

好好食, 我同bobo都可以食晒.

食飽飽, 就要諗下下午做咩好. 本來諗住試玩深海釣魚, 但要早上5點起身 = =" 我自己就諗住呢到馬爾代夫, 應該去睇下佢地既文化. 所以join左個團去市中心參觀.

我地先係碼頭點左名之後就坐遊艇出發.

企左20分鐘就到碼頭啦.

上到岸, 酒店既人分開鬼佬還鬼佬, 日本人還日本人, 中國人還中國人 很搞笑, 我地隔離有一pair係日本人, 但識講國語. 開頭分左, 以為佢識講國語..點知原來都係要用英文, 咁分黎做乜 = =?

跟著帶我地行d小路..都幾驚下. 呢到最多都係電單車. 行到咁上下, 就見到佢地叫既總統辦公室. 官邸

行行下佢介紹一坐好似temple既地方, 但我地又唔明佢講乜英文, 唉..英文唔好就係咁. 講講下終於都明白啦....原來係墳場 = =" 真係近官邸

之後再帶我地去國家博物館, 入去之前介紹呢棵樹, 佢話有400年歷史...信唔信自己諗啦.

之後就真係睇博物館啦..唔好以為有冷氣, 有人介紹, 只係一間屋, 透過好dirty既玻璃見到d 幾支大炮..that's all..佢話係第二次世界大戰留低...唔使1分鐘就睇完. (冇相睇, 因影完都唔知乜野黎)

之後就帶我地去.... 都唔記得叫咩囉. 又影相

之後就我地行番出去碼頭個邊. 個到有個大廣場.

跟著行去碼頭個邊, 原來個到就係市場. 有人類既地方呢, 環境係唔同d. 海邊有油, 又多垃圾 = ="

呢到就係菜市場.

之後就魚市場. d魚就係咁放係地下到賣. 同埋呢d既魚, 好似得一款咁. 都係銀色.

行到入面舖. 真係幾驚. 佢地冇燈, 所以入面好黑. 都係靠少少既太陽光先睇到.

睇完之後就出番去, 下一站就去買野. 馬爾代夫主要都係靠電單車. 好多款. 行行下有部好橙色既跑車supra, 開"恆" turbo" ...真係少見.

去到買手信, 一定預左貴, 但睇來睇去, 都冇乜好既紀念價值既野買番去. 開頭見到隻碟, 好靚, 用貝殼做, 但要200幾蚊港幣, 有個仲要7xx. 痴線. 仲話買多d, 俾多d discount. 我地行左幾架, 都冇買過野. 跟著有個香港人講, 行前d有幾間仲平呀. 哈哈.

跟著去行, 都係買唔落手. 去番之前個幾間睇, 勉強買左d少少野. bobo就去左一間"非指定"既舖頭買左好多手信呢.

之後就行番去碼頭坐船返去.

夜晚既晚餐. 出送出得好慢, 可能我地香港人習慣左節奏快, 覺得呢到平時都咁慢 = =" 

出麵包先....但冇湯出架喎, 之後出頭盤...唉, 食到口乾=.=

之後先出湯....同主菜...不過好難食.....出埋個怪怪甜品 = ="

期待聽日既早餐唷..