年紀大機器壞

　　話說前幾日打完羽毛球整傷個膝頭蓋， 到今日仲痛緊， 頂唔緊終於要睇醫生， 不過醫生剩係用肺講左幾句說話，叫我休息多啲。 啀~　想話唔認老都唔得，真係年紀大，機器壞！

　 　舅父一家今晚就要飛返瑞典，佢哋今次逗留成個月，去左好多地方玩。今晚要搭夜機，所以約埋我哋一家食晚飯，原本諗住食完飯都趕得切返小組，不過我個完美計劃隨著一啲人遲到而幻滅了。

　　今晚返唔到小組真係好可惜，因為有組員生日（無得食蛋糕囉）！！