外表不美麗的人都有生存的權利，你們可以不喜歡她，但請不要傷害她

現在的人實在是太過注重外表，只要妳外表不是她們心目中的標準，她們就會表現出厭惡，有時更會出說出一些令人難受的說話，以下是我幾次比較深刻的親身經歷:

我記得當年還是中學生，有位要好的同學都是住在同一座大樓，所以每次食完午飯，我都會到她家中，再一齊返學。有一日我如常食完飯，去到同學家中找她，當時她家中除了她媽媽外還另外有一位甲女士在場，由於我同學未食完飯，所以我只好坐下等她，就係我同她們閒聊之際，有另一位乙女士進入，她同甲女士打完招呼後，就指著我說"這個是妳個女呀?'，但甲女士聽了之後反應十分之大，說了以下一句說話"唔係..更係唔係...我個女如果好似佢"禁"肥，我一定殺0在佢"，大家聽完後靜哂，我同學只好拉住我離開佢屋企。

另外一次係去飲宴，當日係我阿E取新抱，一席內有一位較年長的女性親戚，係見到我的時候，已經細聲細聲同她佢女講"那個女仔是那個的女兒，好肥好難睇"，由於當日是阿E的大喜日子，我只好當聽唔到同唔出聲死忍，但她居然一路重覆了好多次，更加過份係當她知道我媽媽是誰時，更當著我媽媽面前講"妳個女她好肥好難睇"，我見到媽媽好難受，我心內就更加難受。之後我阿哥忍唔住拍0在一下，佢之後先收聲，所以最終都係不歡而散。

再有一之係公司附近發生，我同同事食完飯搭life，間life好多人，但d人都係不斷湧入間life，我只好向後退，但唔小心蹅到另一個女士隻腳，我即時已向她道歉，但她不理會我，只是不停地話我，由地下一路到佢出life都無停過，佢話過什麼我真係唔記得，最有印象一句係"禁肥，阻住哂"。又係同我外表有關.......

其實有時我想講肥不是一個死罪，我亦試過好多方法去減肥，什至食藥當妳食藥時候係非常有效，但一唔食都係會肥返。我不需要別人接受我，只是想大家可否給予多一點注重。當妳出言時候請想一想別人的感受。每人個人都想是美女，但細心想一想如果每一個人都是美女，你還會覺得她是美女嗎?