網誌分類：未分類 |
圖片
網誌日期：2008-08-10 23:28
今日行到樓下諗住去男友屋企時, 聽到好似有隻雀起草叢中大喊大叫! 好似隻鴨咁! 本來諗住唔理.
但係附近又有人燒衣, d煙係咁攻埋去...... 就算係雀都唔掂啦!
咁我就好多事咁去睇一睇!
一睇, 不得了, 係隻貓仔!!!!
叫到鬼殺咁嘈, 實Q同你死過呀! 咁我好大膽咁走入花圃入面, 好彩諗住同家貓玩而有帶零食, 咁就比D佢食, 佢又好似靜咗D
多事起上黎, 就打埋電話比餵貓既義工...
佢起荃灣, 但都話趕黎... 問起: 我有冇可以要咗佢? 或者養一排?...
講真, 我真係想架!
但係, 我呀媽已經講到明... 呢D好心唔係我地做既......
"寄人籬下"可以點?
洗完白白, 
見到佢藍藍既眼睛, 
同
同埋靚靚既粉紅肉粒仔!
有冇人可以比佢一個溫暖既家?
貓貓人 2008-09-23 22:00
★太陽之光☆拔蕉少爺仔 2008-08-24 17:56
有個老師好好好鍾意貓
★太陽之光☆拔蕉少爺仔 2008-08-13 20:08
Sina2008-08-13 23:55
你可以點樣幫到我呀?
你識得朋友想養? 定係你想養?
你都好鍾意超人喎!! ^^
LOLO 2008-08-12 09:58
如果貓b宜家有義工睇住, 應該會待入室14天後至會post上網搵人收養, 因為要觀察貓b健康情況, 金白貓仔咁可愛, 唔難搵人要, 放心!! 暫時就等義工們照顧住貓b先, 相信義工們都知日後可以放在什麼網站度搵人收養
妳自己係咪都鍾意貓呢?
Sina2008-08-13 11:52
我好鍾意架!!!
但係我家人唔養得!!
Sina 2008-08-11 15:38
多謝你既回覆呀!
你係我第一個既回覆者呢! ^^
養貓仔真係要付出好多...
不過我都養唔到, 那位好心的義工姐姐要努力!!!^^
lok~ 2008-08-11 12:51
路過的~
隻貓仔真係好得意呀~不過我以前養過流浪貓,因為唔知佢係咪有病所以就......而家都不敢養流浪貓仔了...可以的話要好好照顧佢呀~佢真係好得意~