得意事件~續集~

新鮮熱辣：

9.IT~ (無啦啦走埋我身邊)

Lrvine啊Lrvine~你知唔知你好似舊電芯啊？…都一樣係垃圾！…(佢仲好大力咁將舊電芯掉落垃圾筒)

10.N老師~

究竟係邊個負責編代課架？…我冇請過假wro~點解要搵我代啊？…我今日都唔舒服啊！(好悔氣咁講)我唔想代啊！…總知我唔會代架o剌…你自己攪掂佢！！(聲大夾惡+Cut埋我線！)

11.H小姐~(大聲+發爛渣)

Lrvine！你知唔知我對你好失望啊？…呢單野邊個要負責任啊？…邊個要攬上身啊？

跟住H小姐問我+涉事既2位愛徒同事，2位同事可以解釋，我一講…

H小姐：Lrvine！呢單野究竟邊個要負責啊？…你唔使講！我唔想聽啊！…而家你講乜都冇用啦~ d老師都o係背後講我啦！我出晒醜啦！…我受左好多氣架啦！！

你知唔知我受左幾多氣啊？…d老師一人一句…句句有骨架？…你知唔知我受左幾大壓力啊？你知唔知阿乜sir、阿乜miss係我隔離講既野…句句有骨架？…L副校又係度句句窒住晒…你知唔知我好難受架？…你知唔知阿王主任又黑晒晒塊面…佢講d野令我好Hurt啊！…我好受傷害啊！…

我唔係介意d人點講…我只係唔想比人話啫…我都做好晒本份啦…d人都唔領情…我仲要比人話我多事…話我Over晒！…唉…Lrvine你知唔知你令我幾咁委屈啊？…我嬲到爆啊…你知唔知d人好似宮心計咁架？…唔係你死就我亡架o剌！…我好嬲啊！

愛徒Y同事呢個時候講：原來個對講機 set錯左Channel啊…咪對應唔到law…我下次會小心d架啦~ (呢個時候先招供太遲o剌！)

H小姐繼續鬧我：我同你講丫…唔好比人讚兩句就以為自己好醒！…你有冇睇宮心計架？…主子可以今日讚你…聽日亦都可以比砒霜你食啊…死左都唔知乜事…總知你唔好理咁多…做好份內事就得…唔好介意d人講乜…

Lrvine你知唔知我幾咁冤枉架？…我乜面都冇晒啦！…係你令我咁受氣架！…d人係我背後講我、笑我…我唔理！o係神面前做好自己就夠啦！…使乜理人講咩啊…我真係傻o剌…做好心都冇用啦…又係比人指住黎笑！…

(H小姐句句有骨…互相矛盾…將所有責任轉嫁晒比我…而佢o個2位涉事既愛徒…就可以乜事都冇！)