網誌分類：暐迪.pa&ma篇 |
2009年算係我人生既轉捩點
因為我做左一份責任重大無得辭職無得埋怨既工
呢一年裡面我既大事就係要做好湊仔呢份工作
雖然我唔係full time mama不過絕對係每一日都係full time工作
每朝餵完迪迪食早奶我就返工,放工陪玩一陣就餵夜奶
等迪迪訓左就要做埋d家頭細務先可以上下網.........
迪pa就負責接送迪迪出入
每個星期例假都會完全奉獻埋比迪迪!
如是者呢一年就係咁過!!
講真不知不覺自已呢一年裡面真係改變左好多
一年前既我每個星期最小都會打1-2次麻雀
每個月同朋友大大小小都會有幾次聚會,超愛去街愛熱鬧既我!
點諗到而家一放工就九秒九飛奔返屋企
真係自發想返屋企見個仔個隻feel!牌都唔想打個隻!!
由一個咩都唔識既"無飯主婦"
而家會成日週圍請教人地d湊仔經睇下邊樣野可以對迪迪好d
而平日比較內濂文靜既迪pa為左個仔為左我
除左平時大小事幫手之外
都會陪我出席一d 唔識既BB聚會
我明白男人同女人心態唔同!所以有佢陪我地一齊去玩真係好開心
其實迪pa都好開心好投入架!呢d都係大家既改變!
雖然大家都付出左好多心機同時間
但係全部都係值得既
因為我地多左個可愛既迪迪仔仔麻
睇住迪迪一日一日成長開始越識越多野
呢d真係超越晒以前所有既成功感
除此之外值得高慶既係今年有好多喜慶事
我地兩公婆夾埋都飲左6,7餐喜酒
最高慶當然係迪姑媽同肥舅父個兩餐啦!
係黎緊2010年迪迪仲會榮升做表哥添因為舅母有左BB啦!
希望每一年都會好似今年咁發生既全部都係開心事
2010年就黎啦.......
我希望係未來既日子只要一家人齊齊整整,健健康康
迪迪聽教聽話,健康長大,開開心心.......
我就已經好滿足好滿足.....架啦
祝大家新一年個個都Day Day Happy !!
IMG_5179.jpg
IMG_5171.jpg
IMG_5170.jpg
