埋頭苦幹

呢幾星期都係為左新電影的animatic 而努力, 工作量大增! 連星期六日都要番來, 另一邊其他同事都為左一個 "植物-人" 廣告忙到上氣唔接下氣, 真係希望可以生多兩隻"幫手"來幫手...............我講緊咩?

來自日本的手信

iris 係日本睇radio head 演唱會, 除了帶左一d 好毒的 "美味CLOSE UP" 食物相之外, 重有幫我係neighborhood 買的手信 @o@!!!! 當我見到個大袋的時候, 除左@o@ 咁樣之外, 我完全唔知可以點反應來形容我感動的心情


呢件係冇係catalog 出現過的工作服, 其實形容佢都幾尷尬, 褸又太薄, 但又唔係恤衫, 標籤上面寫住jkt 應該都係秋天著的褸來

其實佢有全迷彩同埋呢款用兩塊唔同o既布併埋的版本, 我當然係鐘意呢個la, haha..... 買唔到牛仔褸都未必係一件慘事



鈕扣有neighborhood 字樣, 不錯不錯



內裏竟然車多一條布帶, 呢d 細節野真係做得有心思



今季唔少得的撥墨, 加上迷彩都幾新鮮



我最鐘意佢個領口, 重有三角形的車線



背後領內有nbhd 的tag, 重有比你掛衫的布圈



當然背後的撥墨都唔會缺少, 其實大部份的迷彩褸都好有 "真係去打仗的感覺" 而好多時都係以m-65 的款式為主, 睇都有d 睇到悶, 雖然今季佢的m65 係衣袖入面有黑色斜線併布, 但係感覺冇乜分別, 而且香港arm arm 出左, 試著完覺得好 "佣腫" , 所以呢件好arm 自己, hehe, 重有就係居然價錢比香港平好多好多! 更加係bonus !

提早收到的生日禮物!! 係香港買唔到, 原來日本重有@@ 當我見到真係嚇到傻左, 又驚又喜! 喜當然係收到份咁正的禮物, 驚就係以生日禮物來講, 呢份太破費la@@!00



當初係catalog 見到佢已經好鐘意, 只怕自己著得唔好睇, 我去到專門店已經得番中碼....... 又冇得試著只能飲恨......估唔到可以重遇佢, 太正la



一拎上手質感好好, 好順滑@@ 而且呢隻配色好討好, 著起來又冇太經理的感覺, good!



袖口有今年的 "雙刀閃電" 的刺繡, nice !



腰間兩邊都有兩粒扭, 係好好的細緻位



當然唔少得佢的標籤



另外重有幫我買左佢的sticker 同埋牙籤, hahaha 真係好搞笑, 但貴到唔捨得用 ~_~"

真係根根都係錢.......


聽講sticker 係日本限定, 係nbhd 一直以來design 的graphic, 有d 好不錯, 等我有一個靚的行李就會貼曬上去, 但都係唔捨得ga la haha



除左日本手信外, 講講自己的秋冬散財...... 還好個袋賣左, 幫補不少呢

wtaps shirt , 之前係網上見到已經覺得好正, 令我即刻可以放棄曬nbhd 裇衫的念頭, 認住呢隻鷹! 下一句我唔講la

果日都幾多人, 而且重出左雜誌冇講的items tim! 包括有同bounty hunter 出的褸, 心口噴左c 字的裇衫等等! 但估唔到呢件衫比我預期中厚同埋大件, 佢的cutting 有d 奇怪, 袖係非常闊, 而且大碼同中碼的分別都幾遠....... 可能唔係太arm 我著, 又或者其實佢冇nbhd 的cutting 咁fit都未定呢, 好可惜到我的時間心口噴c 字的裇衫已經冇曬中碼, 但估唔到中碼我都著到, 重好fit tim, 只係肩膀位窄左d 我無謂搏lu, 同埋好在我早左少少到, 原來係我後面的情侶係用 "掃" 來買, 每樣一件, 如此壯觀的情境真係..........00



其實佢有白, 灰, 淺藍色的選擇, 但到最尾都係白色最好, 心口有wtaps 的刺繡, 重有紅色的tag, 係一件白衫有一個小小的tag 都幾點綴



我唸真係成件衫的重點, 真係好鐘意呢個logo, 但發現有時其他衫都有呢個logo, 縮細左就會變左一舊....... 總之就係一舊......太複雜的野唔適宜太細......



我其實唔鐘意著住人地個牌子print同人宣傳, 但係佢d fonts 好好, 係衣袖位令到件衫更加搶眼!



tag 係腰前已經係常見, 但估唔到袖口都有! 細緻度已經超越 nbhd 了, 難怪我會放棄 nbhd 的裇衫呢



連鈕邊都唔放過賣廣告的機會 haha

價錢都係其中吸引的地方, 最後拎埋catalog 滿載而歸lu~~

我唸, 來緊呢一年我都唔會再買tee 鳥.....因為


我係一個好容易買tee 的人.......而且真係款式夠著幾年lu......
但係呢件都令我忍唔住要買, 原因係佢的print 係絨布來@@!



袖口有老鼠刺繡, 真係非常討好!



背面的print 都好正, 我對佢有好高評價, haha



fenom levis western shirt
係網上見到, 重以為係紅色, 原來實物係紫色, 見到時已經好鐘意, 好在可以比外面買的價錢低買到佢, 重以為袖會唔夠長, 但原來都好fit 身, 咁我就放心la haha



同之前出過的款幾乎係一樣.......呢樣係我對fenom 的印象.... 牛仔褲的一樣, 食閃電食足一世, 換湯不換藥的設計, 但呢件的配色好好, 而且西部牛仔look 的恤衫我一直都好想要一件, 佢比美華氏早一步完成我的心願



扣鈕全部都係 "bak" 鈕的設計, 半透明的鈕好精緻, 但就好易會比人爆衫 @o@


衫袋依然係暗藏閃電logo



好hei 的牌........

整體來講, 以上買的野暫時重未著到........因為香港實在係太熱la!!!!!!! 到十月中都重未涼, 日日睇天文台都係27-30 度, 我唸冬天都唔洗旨意著到厚衫lu