我們的新居

好耐都無 update 個 blog 講下關於婚後生活喇....

自 11月1 嫁人之後...我就一直都住0係奶奶度
好多人都會關心, 同奶奶住成點呀?
好彩我住0左兩星期都相安無事...
因為我去到扮晒乖咁~~食完飯自動去洗碗
相信我嫁0左呢個月入面洗碗既次數 = 我做女時三年加埋既洗碗次數...
洗完頭自動去清理頭髮....無計...因為始終係奶奶地頭
同埋奶奶話點咪點囉~~始終去到人地地頭....

不過搬屋之後我就可以原形畢露喇~~哈哈哈~~~
老公...辛苦你了

由 5月買樓....到 9月中收樓....裝修....到11月中終於入得去住了
不過入面乜都冇....
頭0個幾日連凳都無張....

老公裝部電視睇...都可以睇下富貴門
不過當時電視櫃未到...要擺0係地下先...




廁所比較齊全....
馬桶隔離條梯俾我嘈0左幾日之後
終於搬走0左了....
擺條梯0係度咁肉酸, 而且我每次去廁所都俾我撞到...


兩個人的牙刷


廚房仲係未執...今個 weekend 會搞掂佢...
呢個廚房....整完個廚櫃之後只可以企到一個人.....


廚房門


未來書房...而家係雜物房...訂造的衣櫃同書台要一個月後先有...


睡房...


全間屋我地整0左廚房廁所將眼鏡房改做子母房...
基本上成間大執....
當初我地仲話整少少就算....

等 d 傢俬到齊我再報導~~~~