回到未嫁時

好喇...終於開始打下婚禮的點滴了..
再唔打我驚我會唔記得....

首先由婚前一日講起啦...

31 oct 2009 星期六
因為我之前實在無乜準備行裝....因為打算新居住得時先愎慢執...
臨結婚之前一日執餐死...
執0左一個0急...再加一個電腦袋....就運去酒店了...

朝早時老公已經車0左一大部分物資到酒店寄存住先lu~~

當日我幾經辛苦將個0急運0左去中環...先去cocoon 拎衫...拎 kitty 花球..
之後返regal check in....
酒店的人一早知道我地會黎....走埋黎同我地greeting...
我開始感覺到我為期一天既公主生活就快到了~~~



花球一號~~呢個花球....結婚當日得到大讚....遲 d 再share


放底晒 d 野之後我就返公司 print run down...同埋去classic 拎衫...
老公就去傷青度幫我拎花球...

花球二號, 我自己就好鍾意呢個花球...
d 花好靚好新鮮, 用黎襯婚紗用的~


老公將個花球放返0係酒店之後...
就出花墟會合我...
因為我手上有婚紗....龍聊枝...玫瑰花....兩個花樽...實在寸步難行....
睇下我個樣.....成個癲婆咁...


返到酒店同老公剪布做地毯....老公成12點幾先返返屋企...

我發覺最後有個task 唔記得做...就係壓餐紙了...
原本好想放棄....因為都唔會有人留意得到...
但唔用既話又好似浪費0左....所以最後都整埋佢~



整完餐紙...都一點幾了....其實要訓覺...但又有另一個重要 task 要做...
就係油指甲....
呢個我又係好想放棄....因為我油極都油唔好...
但好好彩我婚前兩日買0左佢...


發現 jill stuart 的指甲油原來好好用...
係我咁耐以來用過最好用的....仲好過 OPI 0個D 呀~~
到今日...我由0左一個多星期, 都仲叫 keep 到呀~~
而且好易油同埋好快乾~~
真係好值得推介~~

其實當時心情....又唔係真係咁緊張...但就點都訓唔著..
可能酒店床訓唔慣...

我的睡衣look~


將要進入令人興奮的日子了~~
準備0左雖然唔算好耐...只係11個月...但真係花0左唔少心機~~

其實每個新娘0係籌備婚禮時都好緊張...好想每樣都prefect...
但我可以話...當臨到之前一日...就咩都拋開唔理了~