會試

我叫佢會試因為我覺得會考唔好聽..KUKUKU

今日,09年4月24日! 上年既今日,就係考第1科..地理既日子
而家已經考左2科喇! 正確而言,係考左半科中文,一科地理
考中文既時候我突然間諗一個問題:
究竟係我中文真係差,定係個試考唔到真功夫?
我次次面對依D卷,我都好手足無措..特別係作文
可能係緊張,結果愈作愈差. 同平時作既(平時已經唔特別好)仲......-_-

聽日繼續考中文.心情好奇怪
為左咩呢? 第時我滿左14分,會好似大家咁去撲學校嗎?
搵到間新+好既學校,要開心嗎?
個個都同我講,叫我唔好留0係間BAND3中學度
連佢地都話,不如讀IVE,唔好浪費時間讀中六七

個個都叫我乜叫我物,我唔想,我搖頭,我嘆息
我只係想揀一條我第時望返轉頭唔會後悔既路
如果我留0係度,我會有2年好開心既中六七..

乜開心就一定讀唔到書咩?
如果我走左,我會有2年更加地獄既中六七..
但所謂既BAND2,BAND1學校
乜師資一定好好咩? 點解有咁多一定呢?
乜老師唔係應該用心教書,甚至唔止教書,教做人架咩?
我以前都見唔到既......?

我明白佢地都係想勸下我,但人云亦云既說法...聽得太多了

依兩個月黎,最攰既唔係溫書,係應付太多依類說話
最初我仲會應下佢地,話果兩年後就算讀ive都唔係浪費..
但之後慢慢太多喇..我開始笑住唯唯諾諾就算..
我唔想再應啦\_/'' 有時真係好想發火啊-.-
有一次0係自修室,好友又講依次說話(佢講左3,4年以上Orz)
果時溫緊書已經好火滾-.-如果同佢再熟d 我一定忍唔住......Orz

我受夠啦/_\ 我只係想考埋然後搵工,再讀上去,向前衝
捱依兩年日日當聽日會考,喪溫,然後捱上U,之後再嘆

唉。

尋日發生左一件事,對方無咩介意,淡淡然
事緣有個人等左我好耐,我卻完全無理佢就衝入班房
原來佢已經等左我n久...........

當晚(尋晚)我發左個夢,見到1個朋友
佢0係商場叫人做問卷.. 個朋友,因為經濟問題無書讀而返工
但佢既經濟問題,我依個自稱同佢熟既人完全唔知
係因為,我從來無認真關心過佢
我幫佢做問卷,跟住佢...............end

事實上佢真的有經濟問題....我都係前些日子先知

我反省左好耐,原來我真係成日迫人聽我講野
忽略左人地既感受........

我成日叫人理我點諗,原來我根本就無點樣關心過人
半年有多,你既問題.........唔係你唔講,只係我從來無問

好對唔住呀......

果一刻,我好想喊,依刻先醒覺自己係個咁差既人
某日,同你行返屋企既時候,見到你同樣既笑容
我以為大家都無變
你0係1個新既地方,我以為,我真係覺得,大家仍然唔會變
就算心態唔變又如何. 環境不停既變,我地可以點做呢?
我覺得好對你唔住
當日,我仲發過你脾氣
無理你感受........

上官,我係咪都係曾經咁對過你= ="
如果係既話真係好對唔住呀
不過我想講既係..
俾我發過脾氣既,都係我d好熟既朋友黎既
唔熟又點敢發佢脾氣呢?
so.........你係咪有d後悔識左我呢=0=