追風

上星期五陪大魔怪去睇W-inds concert，心稔最老餅應該係自己啦掛，點知唔係老過自己亦有人在。

大部份粉絲都係十幾廿十歲後生妹，八時三十分開show，我們六時三十分到場，原本想睇下精品，點知打晒蛇餅，結果大魔怪話排隊入場好過。妹妹仔好多打扮到翻版Teresa一樣，金髮﹑大眼加超長假眼睫毛，而老餅既多數係陪仔女去睇，只不過無乜邊個咁捨得比個女睇千幾蚊飛，多數一齊睇四百。

演唱會比原定八時十五分開場遲左差不多廿十分鐘，一開場好有feel，因為配合"sweet fantasy" 既主題，所以有電腦板配合效果，加上W-inds既舞蹈配合，我都覺得幾精彩。因為W-inds主要唱跳舞歌曲，所以他們要不斷的跳和唱，開頭我都頗為擔心，究竟會唔會唔夠氣唱，但殊不知又無咩走音，只是慶太始終比較"雞仔聲"，但整體我都很滿意。

整晚給我感覺好像回到廿十年前，後生了廿十年，心態還可以接受得到。只是全程企了二個小時，腳踝已頂不住了﹗