肉赤...但仍願意付出!

大魔怪一直夢寐以求的日本偶像組合"W-inds" 終於俾佢恨到下個月6號來港演唱一場。緊張到不得了的她，第一時間叫我撲飛，VIP seat 每張票承惠HKD1380。回想起廿幾年前的自己，中二開始已經愛上"安全地帶"，比起大魔怪自己更加瘋狂，因為當時香港吹起一股「日本熱」，我可以把他們所有Hit歌譯上拚音，在香港開的演唱會，差不多每一場都有看，又竟抖膽走堂，由機場跟到去記招，為攞一個親筆簽名。當時要HKD500幾蚊一張演唱會飛，係要餐餐捱麵包，先可以儲夠錢買到。

相比起現在，大魔怪唔洗捱麵包，自己攞「私己錢」出黎買亦卓卓有餘。當然佢緊係話「媽子你津貼d 就最好喇！」可能係童年陰影，我又好明白佢既感受，但同時我亦唔希望佢唔付出就可以得到收獲。所以我要她自付一千元，尾數卻由我包底。同時亦因為我要買最平的HKD400票陪她入場觀看，所以我要她乖乖看完演唱會後，便要收心養性預備考試。她除了懶惰一點，自律性也算不錯，希望在這個公平交易之後，她也能遵守諾言。

我這個人有時又真係幾心軟，特別是對我所愛的人。雖然我並不是大富大貴人家，但是做我女兒又實在是多麼幸福的唷﹗