我係大打雜黎ka jar!

「拉柴」被"燉冬菇"之後，依然固我。返工返九點九，收工更加係無時無侯。因為官僚與階級觀念之下，無得坐EO房，被掟左入「石壁」與 dada﹑奀滋「共賦同居」。對於呢個安排，「拉柴」在無可選擇之下仍處於優勢，皆因呢位小姐返工好識分配時間，對於幾點應該食早餐；幾點應該"cub"股價；幾點煲電話粥溝仔；幾點入pantry神檯食橙；幾點做功課，佢都安排得好周全。

今日芥蘭強終於由袋鼠國返港上堂，路經此地，入左黎「石壁」嗲左幾句，個個問佢"燉左冬菇"之後做乜，佢就話：「咪大打雜一名咯﹗」我同dada都爭住答：「幾皮野一個月，叫我洗埋屎塔都得呀﹗」依家佢坐埋石壁等同於「奀滋」一樣，當你地出面ｄ人死晒，我喜歡做乜都無人理。今日金句係：「CI 以上係人；CI 以下係狗」。

今日新EO「加菲貓」返工之日，一早就比Ling Ling "的"左入房洗腦，好似"發輪功"一樣，務求令她聽教聽話。基本上所有pat pat 既親信，已經個個入晒戲做「宮心計」，咁好戲，係mic 應該頒番個"奧斯卡金像獎"各位呢﹗