價值問題

曾經我相信每樣野存在都有價值，連小強都有佢的價值，有時引起天災人禍只係因為失衡，即係，好似風同雨都有佢的作用，不過多得濟，暴雨會成災，大風得濟會死人。

諗諗下，開始諗咁人係咪都有佢的價值呢? 近年來開始好鬼懷疑。以前D人，有錢的無錢的，都會有佢的用途，即如以前的窮人，唔夠錢咪做多D野，穿下膠花，做多份工，執下紙皮，都好有用處; 有錢的，更加唔駛講，唔多唔少都會幫到一D野。 但係宜家，有好多人，存在係無意思的。 好以我已前D客仔咁，住間板間房 (唔係，住板間房都算好，起碼要俾租)，攞份綜援，乜都唔做，淨係瞓、食、同埋食第二樣，以前D人窮都會去下做X，佢地，懶到X都唔做，無錢的，就問政府擺或者去偷。

細有細衰，大有大衰，好多不願透露名字的同行，日日帶住個軀殼返工，做又唔願做，叫佢做少少野就殺佢全家咁，野又唔做，人地做完就響度多多批評，但係自己又做得唔好。到佢自己做的時候，唔係閃靈咁閃左去，就係交一PAT野俾你當交功課。但係每個月照出糧，分分鐘多過你同我。

呢D，我一致歸類為垃圾。

一般的垃圾係可以循環再做的，呢D，等投胎喇。