有話兒

越黎越奇怪，點解D人會咁多野講。

當你覺得人地奇怪的時候，好多時候，只係你自己少見多怪，至會大驚少怪。 亦即係話，怪個個人，其實係你自己。

唔知從幾時開始，已經退化左講野呢個能力，或者，係由細到大都無乜訓練過，大個左，更加唔會講野。宜前寫野好痛苦，無番三五九版，都唔會寫到自己想寫的野，但係唔知點解又會有人以為呢D叫好。過左呢幾年之後，寫既野講既野越黎越少，可以唔講的話，就唔會開口，可以用一句講完，一定唔會有第二句。

不過，收收埋埋係唔收得太耐的，近日迫於無耐，開始要講返野，又要寫返野，過程一樣好痛苦。唔知痛苦過後會唔會有好結果。無論如何，都叫有D寄託，有返D野做。

好似好耐無寫野，少少的 UPDATES:

工作上，終於有另一組別向我招手，雖然無乜誠意，同埋佢地都預左我未必會肯，不過，都係有少少開心的，至少，原來我重存在，唔係隱左形。

另外，呢排好多人問我有無著落。即係咁，其實如果有的話，我相信我都會單左聲，你無聽過我講，即係無囉。。。