行街

休息兩天，昨天回家了，今天原本打算留家做功課。 突然之間被人拉了去參加籃球賽，認識我的人都知道這個提議有多荒謬，而我也提出了一個更荒謬的提議，就是我絶不落場的，就係咁，要準備去 "鄧" 腳了。為左鄧腳，要著番條短波褲，我諗起自已著短褲既樣，好驚，於是就趁假期去買番條多布D的 "短" 褲，希望可以遮到下。

去到骨之島，好多地方都減緊價，睇左兩條幾岩，不過都係想行多兩間先買。去到第二間，舖頭又迫又多人，條頸又開始有D抗議，想嘔。 試左條長褲，腳又長又窄，俾番SALES 姐姐，然後答佢: "唔岩"，SALES 姐姐道然答我 : " 唔岩? 咩唔岩呀?" 頂，然後回番佢: "唔岩就唔岩喇，重問。" 佢呆左一呆，重講: " 我睇下你係咩唔岩，睇下有無第D嘛。" 唔好客氣，梗係走人。係咪我衰呢?

一路都好怕買野，一年買野的機會少之又少。另外亦都好驚既係，一買就不可收拾，同埋通常一行街，就會買埋D之前唔諗住買既野。今日已經不停叫自己忍手，所以戰果係正常的:

第一樣買的係佢，我響佢同高飛狗之間，掙扎左好耐，最後我都係揀左佢，揀完之後又好掛住高飛狗，好彩帶左佢返屋企之後覺得佢都幾可愛。

第二樣買的，係佢。朋友生日，之前去旅行送左一大盒野俾佢，今次SCALE DOWN 返D，買舊餅個佢得喇，正確黎講，係一舊會打火的餅，不過相比起七仔一蚊一個火機，我用左廿幾倍價錢買，真係有D肉痛。一舊餅俾佢，一舊餅俾佢 "男" 朋友，因為之前聖誕收到佢份意想唔到的禮物，一齊送。第三個係以俾不時之需，未知俾邊個，攞黎擦鞋都唔定。

見到呢兩包，係咪有D奇怪。唔係幫人買，係真係自己買黎煲水飲的。上個月病左好耐，五顏六色之後，淨低青色響塊面度。之前見到個師兄，可能我個樣太嚇人，同埋唔想我去拍見鬼，又知道我唔會煮野，就建議我沖D野黎飲補一補。都岩既。

b + a，分別係6折同埋3折，買滿 $1000，減 $200，就係咁。唔係好明自己點解會買最右手邊條夏天裙，無乜機會著，而且一不小心會好 leung。左手面幾外套，幾型，宜家著緊，準備出去食飯。

無錯，原先想買的運動褲，係無既。睇完一陣之後，發覺其實自己真係10年都唔會著一次運動衫，重要係短既，都係攞返屋企舊個條著住算。

呢篇卜好無聊，多謝你陪我無聊左咁耐。