NLP上後感

可能之前上過Anthony Robbins的NLP，當然覺得Chris Horward沒有咁好，唔出奇，話哂Anthony Robbins是大師中的大師。如果大家唔知道Anthony Robbins是誰，在電影Shallow Hal(豬兜有情人)裡，Hal被困電梯時，那個(高大但唔靚仔的)幫佢改變對"靚女"看法的就是Anthony Robbins真人了。

由於今次Chris Horward的NLP是免費，所以比既野亦唔係咁多。但對於很多第一次上的人，就會有好大得著。

唔好講別人，講自己。今次令我感受到上次上了Anthony Robbins (縱然我當時上的只是初階課程)，學會了運用潛意識，對自己要達到的目標，是多麼的慳水慳力。如果唔checkpoint，根本我沒有察覺呢！

未上堂前，從來都冇去諗過自己有d咩價值觀。價值觀可以影响你人生方向，因為佢影响你做事的每一個決定。你首先要知自己"真正"要d咩，知道自己現在的位置，然後"借力"，就不其然達到目標。

我覺得自己比以前變得開心了，樂天了。我現在的價值觀排第一的是happiness，很多事我都用開心的角度去看，不讓任何事把我的快樂拿走。雖然有時都會被小事煩擾，但情緒越來越shift得快，這真是一件好事來的。

我希望自己變得更好，雖然還有很多缺點，希望我的朋友、家人等多多包容

如果未上過NLP的朋友，可以真的去想吓，因為可以令到你同自己潛意識溝通，真正知道自己要d咩。不過local的NLP course，水準沒有保証，做得不好會令人參加者情緒失控、崩潰，所以真的要小心選擇所上的課程。