凡事都不要心急。

我份人買嘢就係成日衰衝動，所以好多時行街都會買買埋埋很多過後都會覺得係不合自己的東西。

話說嚟幾日我心情好差﹑好煩，就係咁，我就衝動地在Starrywood買咗一件衫啦。

唔係話件衫唔靚我唔鍾意，而係件衫大得滯我唔啱著呀，衰就衰在我嗰時嬲得滯連價錢牌都剪埋啦，件衫註定係無得換的了。

lyly問我︰「嘜你無試清楚件衫啱唔啱著就買架啦咩？」

我洩氣地答佢︰「試就有試既，不過嗰時我心情唔好吖麻，剩係想買嘢嚟發洩吓，所以無嘜試清楚就買咗啦，到咗出街要著先至發覺好似唔係好啱身囉。」

「我都唔知講咩好了，你都唔係第一次架啦，你自己好好反省吓啦。」，lyly聽完我的解釋之後都話無我咁好氣，一溜煙竄走咗啦。

我都知我衰架啦，但係我都唔想架，每次我心情一差我都會盡量同自己講買嘢要睇清楚﹑諗真d先至好買，但係每次到咗嗰個位既時候我都控制唔到自己的情緒和慾望，所以成日都瀨哂嘢﹗

好彩我買Nokia6300同埋香水嗰日係同屋企人一齊出去既啫，有人拑住我我先至睇清睇楚﹑思前想後，雖然佢哋拑住唔俾我買嘢既時候我真係好唔開心，但係過後諗返我都係要同佢哋衷心地講返聲︰「Thank you﹗」