一語成讖﹗

嚟兩日無寫到blog，唉，因為我又病咗啦，好辛苦呀，無咩心機同精力寫嘢，日日都淨係喺屋企度瞓覺。2﹑3月才病過，而家唔夠兩個月又再病親，好潺弱囉我﹗

上星期三我先係blog度講咗句嚟輪好忙，忙到癲咗﹑忙到「得閒死唔得閒病」，點知講完嚟句說話轉頭唔夠一﹑兩日，我就真係中咗招病到五顏六色咁，真係無陰功咯﹗

都知嚟排公司勁多人病咗，佢哋無戴口罩又唔肯睇醫生，佢哋d病係咁一直拖﹑病菌就一路不斷係不流暢的空氣中傳播，我都知以自己的體質實好容易中招的了，果然不出自己所料，真係瀨咗嘢囉。

上星期四晚放咗工之後，我就去咗睇醫生了，因為我知道如果要等嗰病自己慢慢摳好的話，一定唔會係件容易的事，再講嚟輪公司d同事都相繼病咗，我唔去趁早睇好嗰病棧係繼續人傳人啫，咁樣想好返都幾難唄。

本來睇醫生嗰晚我都有諗住叫醫生開定張星期五既假紙俾我以便不時之需的了，不過後來諗諗吓都係費時啦，橫掂我最近係公司真係做到成隻騾咁–得閒死唔得病，請假即係搵自己笨，試問係咁樣既情況之下我又點敢﹑點安心去請假吖？唉。

今日都仲係wingwing哋﹑流哂鼻涕﹑口乾唇裂﹑成日猛咳咁，真係好多嘢都要戒口，而食咩都無味咯。唉，都唔知幾時至可以好返哂呢？

真係嘢唔可以亂食，說話唔可以亂講吖，家吓我就真係一語成讖了﹗

唔想講咁多啦，無咩精神寫blog，我去抖抖先，事關聽日又要大作戰無得抖了…