今日超熱．．又悶！～

琴晚３點就訓左了～訓到今朝８點幾扎一扎醒～

原來老公今朝早有ｄ事要出一出去搞～

所以又比佢嘈醒左一陣～玩左一陣電腦～

１０點到又再訓返～１１點幾佢媽媽打來～問我餵左ＢＡＢＹ未！？

我仲訓梗．．梗係未啦！佢醒一醒我即刻起身比野食佢啦～

餵完佢我又再訓返～訓到２點幾起左身了～

冇耐老公打黎話返梗黎～唉．．總之唔叫佢行返黎先啦～

出面鬼咁熱～橫掂都係出去食野架啦～唉．．．愚左喇又！

到佢返黎我就開始梳洗了～去左許祥昌食車仔麵～好抵食呀！

平時出去食車仔麵多數都要廿幾三十蚊架～

食飽飽就同佢去左打陣機～其實都唔算打既～去抖涼之麻～

食左唔夠十蚊～好抵！之後老公話去行陣街～

我地去左嘉城行左陣～唔知點解我地對Ｄ寄居蟹好有興趣～

有Ｄ心血來潮想買返去養～細隻都係４８隻咋～

不過老公話下次先～算ＬＡ．．．咪等下次先囉！

返到屋企樓下買左本ＦＡＣＥ返屋企睇～冇野做～

唔通成日睇電視咩～！？

７點幾８點食晚飯～９點幾老公又訓著左喇～

一陣又要叫醒佢沖涼～部電腦應該比佢玩架喇～

唉．．．放埋聽日又要返工喇～不過返３日～（５，６，日）

好唔捨得呢個大假呀～可能自己個心已經懶左～

算啦．．返３日以後都唔洗再返ＬＵ～開心！

不過我都唔會忘記呢班曾同我合作過既同事～＞３＜”