網誌分類：nba |
圖片
網誌日期：2009-06-10 19:11
尋晚筆者係自己比賽前同一位朋友傾計, 講開今朝場Game 3. 佢講左樣我諗左好多年既'陰謀論', 即係湖人會'故意'今場輸一場, 最後返返去Staples Centre (湖人主場) 拎冠軍. 因為咁樣NBA同湖人收益都會多好多. 無論你信唔信, 我地係到就唔好再為呢樣野而爭辯啦. 筆者尋晚同呢位朋友提出左一點, 就係Game 3對魔術黎講係許勝不許敗, 而對湖人黎講, 係係魔術主場既'熱身賽'!
點解咁講呢? 第一, 湖人黎緊會連續3場(計埋今日呢場)係Amway Arena作賽. 第二, 如果以'主場必勝'為定論的話, 咁係魔術主場贏到一場已經係賺左.
今場波我地睇到一個好無耐性既Kobe. 一開始第一節已經'著火'攞左17分! 係人都知佢好想好想攞佢生涯第4個總冠軍, 你從佢既眼神中完全睇得出佢無比既取勝慾望同鬥心. 可惜連經驗老到既佢都迷失左心志, 太早就用晒d力, 太早就用晒d子彈. 直到呢場尾段, 佢係進攻同防守都已經無晒力, 尤其最後15球射失11球, 加上射失5球罰球.
Yahoo! Sports - Adrian Wojnarowski 就話半場個陣, 有人係湖人 locker room 外見到Kobe喘晒氣咁. 雖然佢入左17分, 但半場只係領先4分. 而佢全場雖然入左31分, 不過要射25球先拎到咁多分, 比例上同前兩場差好遠.
最後其實有個反勝既機會. 剩返半分鐘, Kobe嘗試帶波過兩個魔術球員. Howard篤走個波, 而Pietrus就搶到個波.
魔術今場有咩做得好?
1) NBA紀錄!
魔術射出破NBA Finals紀錄既62.5%入球率! 上半場更加有離晒譜既75個百分比, 即係每射4球就入3球! Lewis繼續著火入21分, Pietrus扮演稱職既後備殺手入20分, Turkoglu入18分加上Alston都入左20分. 相當平均.
2) 後衛(終於)發圍!
講開Alston, 佢頭兩場射17球只入3球, 今場終於交到功課入20分. 上一篇文章筆者話魔術輸波其中一個原因係因為後衛唔掂, 唔知佢地係咪聽到, Pietrus都入20分. 解決到Kobe同Fisher既壓迫性防守.
3) 強硬式防守'成功'拑制Black Mamba
魔術成班後衛成晚都跟住Kobe, 盡量唔比佢輕易攞分同埋令佢心理失平衡, 而佢之後都真係向住隊友發脾氣, 戰術成功. 而Kobe自己都話, 'They threw the whole kitchen sink, they did a great job staying on my body.' Yahoo! Sports - Adrian Wojnarowski就咁樣形容, 'the Magic had run fresh body after fresh body, trap after trap, at him.'
4) 主場生猛!
今場贏波好大功勞都要歸比魔術主場球迷! 無他既, 佢地等左14年, 咩聲都要嗌晒出黎啦! 佢地既支持亦感動到之前表現低迷既Howard. 佢第一場6射1中, 第二場10射5中, 只有37.5%, 今場21分外加14籃板, 終於對抗到Gasol對佢做得好好既一打一防守, 主場果然唔同!
5) 湖人罰球失信心
全隊表現最穩定既Gasol交出23分但係只有3個籃板, 而且成隊罰球射左26球只入16球, 嘩, 咁都已經無左10分啦! Associated Press Writer - Antonio Gonzalez 就認為湖人輸波致命傷就係罰球命中率. 佢篇文章既標題就咁寫, 'Whatever the reason, Los Angeles never did find its rhythm at the line.'
其實今場波108-104, 魔術咁高命中率但係都只係贏4分. 證明魔術係防守上仲有好多漏洞. 似乎魔術要番身真係要靠防守同打低Gasol!
而Bynum今場都打得好差, 23分鐘, 6射2中仲比人封左球! 但有一樣係筆者確信既, 就係Howard同Bynum將會係NBA未來10年最好睇中鋒對壘!
siubox 2009-06-15 17:07
首先要多謝Dick既回應! 你既意見對筆者好重要!
筆者承認本人既文章係比較主觀, 相信呢個都係筆者既個人風格. 因為筆者認為文章唔主觀, 無自己意見, 過份客觀, 咁同睇報告又有咩分別? 咁不如睇nba.com或者報紙, 根本唔需要上黎籃體睇.
而Dick你回應所提到你支持金塊, 又何嘗唔係主觀呢?
insidehoops.com, hoopsvibe.com, nba.com, yahoo.com/us佢地既專欄作家都會持有自己既意見, 你不妨上去睇睇.
請唔好誤會, 筆者都好喜歡Howard, 佢係好好既基督徒, 不過筆者只係依自己既觀察同經驗去睇魔術應該係欠缺經驗既情況下, 應該無咁過關.
如有地方得罪多多包容!
siubox 2009-06-15 09:58
siubox 2009-06-15 08:23
dick得，今我撐你喎，估唔到你咁崇拜kobe的都咁支持magic！奇蹟有了！今屆magic眼前一亮帶來新活力。真係有年輕的朋友捧Magic，超人挺可愛麼！
你果然係本論壇的fans，筆者係我地請返來的專欄寫手，善長nba歷史和數據，觀點獨特。這意只要不是漫罵和胡言亂語，主觀不是問題，講下波，交流下者！
dickkam 2009-06-15 03:03
回應前我想發表一下我近期喜愛的電視節目(迷)，個節目有九成資料我係知道甚至我比佢知得更加多，但吸引我追的原因係因為佢地用搞笑同否定的手法，我唔知發表以上文章的是誰人，我本人同籃體太熟識，所以我真係唔敢批評得太絕對，但相信唔係box發表的，我一路都有留意BLOG的留言，但筆者寫出的，我只可以話我可能比你知道更多，真係有必要咁長氣?box雖然長氣，但從來只係講出有用的資料，所以應該唔會係Box寫，我知道筆者為支持自己講法，所以搬出大量數據支持自己的講法，但真係太主觀，我之前係好希望金塊能夠勝出，因為大多數都唔睇好佢地，金塊給人的印象往往係差，隊中有人獨食、又有情緒化的球員、又有人因藥物問題停賽、又有剛從病魔走出來的康復戰士，但事實佢地牌面真係比湖人差，所以最後都係敗北，但籃球在我心目中，係有人情味有奇蹟的運動，難道冠軍只是給好人嗎?難道冠軍只有牌面高先可以有機會，現在有大多數人都覺得湖人可以順利勝出(包括筆者)我反而會比一票支持魔術，其實除了人情分仲加上魔術不放棄的表現，但事實湖人只要輕勝多一場就完成，不過連績信教練都叫自己球員(不好看輕比賽，00年對溜馬奪標過程艱辛，魔術比當年溜馬更出色)連咁有經驗的教練都不敢武斷時，筆者為何咁肯定?如有地方得罪多多包容