網誌分類：愛, 慾......我點睇 |
下列舉出例子是100%真人真事, 有D係自己經歷, 有D係朋友訴苦話我聽, 如有雷同, 實屬男人特徵, 男人要改善下:
第十位:用粗口駡女友
我唔介意男友同佢Ｄ朋友講粗口, 但唔好對住我同我D屋企人, 仲有小朋友講, 好無禮貌同無家教, 仲要用粗口黎鬧我! 粗口個個都識講啦!
第九位:乸型 / 無主見
最怕Ｄ男人好似女人禁刁橋扭拎, 尤其係問佢食咩ah既時候: "食咩, 你話啦, 咖喱, 熱氣wow; 日本嘢, 你又食日本野, 食咗好多餐law wow"......真係想揾本字典黎飛落佢度!
第八位:財疏學淺, 井底之蛙 / 無大志
我n 年前既ex-bf 係一個中五仔, 開頭我好欣賞佢剛畢業由低做起, 做咗八年後叫做係個主任仔, 點知佢以為自己好叻, 成日話D同事係大學生又點, 死讀書又唔識做嘢, 唔係有個Degree, 邊會係我上司...... 喂! 人地係大學生, 你係唔係? 人地都無睇你唔起, 你走去話人, 大學生都要持續進修啦!
第七位:吹牛 / 應叻; 錢又無, 嗜好又多
呢個唔洗解都知乞人憎!
第六位:得一想二 / 老馮
唔好靜係睇到人地眼裡既小刺, 睇唔到自己既木柱, 每個人都有缺點, 要懂得欣賞別人優點, 包容別人既缺點, 幸福唔係必然!--->男女一樣
第五位:無風度 / 小氣
呢個無得解! image 問題, 男女係無平等ga la!
第四位:用情不專
這點要加以解釋, 我會承應人可能會同時愛上多過一個人, even 男/女, 我會覺得其實佢地都好辛苦; 但唔好係又鍾意, 唔係又鍾意, 見一個鍾意一個, 錦就變咗濫交, 損人(自己女友)不利己, 好威咩? 仲細 a?女朋友多只係証明你: 1)自制能力/各方既能力都差 2)唔成熟 3)=禽獸
第三位:Married but available
同上點解釋差唔多, 但結咗婚就係結咗婚, 諾黎ma! 你都唔忍心你鍾意既女人知道你有老婆 / 老婆知你有第二個 既傷心法--->如果你忍心, 錦你當初就咪結緍啦! 一D責任感都無!
第二位:明明自己想分手, 硬數女友不是作分手理由
又係ex-bf, 自己識咗第二個, 咪坦白D講, 我地又末結婚, 分手遮, 我唔會傷心, 只會覺得你唔識貨, 好過你話我貪慕虛榮, 咩共富貴就得......你得果萬幾蚊個月, 有幾多比我貪呀!
P.S.佢而家變咗肥佬又同個肥婆結咗婚, 我祝佢地"豬"聯壁合; 哈哈! 好彩佢同我分手^-^, 我先至有今日既機會去第二度發展! 我唔想做yellow face woman!
第一位:0趙完鬆+唱
呢種100%知所謂! 完全對女性既羞辱, 個女仔以後點見人! 性愛係兩個人親密既行為, 你可以同人分享你地既feeling, 唔係將佢既身材, 性徵形容比人地聽; 我個fd個同事就係錦, 真係聽完即刻想sing佢兩巴同洗耳!
P.S.以上排名, 純屬自己喜好......但十樣都係唔好ga la!
肅然起敬 2006-12-13 21:50
英雄所見略同：
最最乞人憎的，相信係你ｏ既曾經愛過(ex GF/BF)，竟然在分手後公開批評／譏諷你的缺點，踩低你而抬舉佢自己，為ｏ左保住自己小小的自尊和顏面而不惜令你難堪難過又難受。
容許我粗俗的說一句：賤精！
http://hk.myblog.yahoo.com/kingking9919/article?mid=770
有一段時間，成日聽到ｄ女仔講，ｄ好男人死哂，絕哂種，一係就結ｏ左婚，一係就有女朋友。
另一方面，又聽到ｄ男仔講，搵唔到好女仔，仲話要踩上大陸搵。
到底邊個係真呢？
人生有很多選擇，而且隔籬飯焦香，自己拍緊拖都周圍去打探，睇下有冇更好，抱著這種騎牛搵馬的心態，此情可否長久，此愛能否常存，不問而知矣～
老實講，這種男人，就算玉環在抱，飛燕投懷，既是襄王多夢，亦難成美眷；
坦白說，這種女子，就算潘安為奴，伯虎為僕，若然妾心未明，終難到白頭！
要成就一段姻緣，就要全情投入，謀定而後動，熟慮而先發，切忌見一個愛一個，不理好醜，但求就手，若干時日後，方知郎未有情，妾未有意，那麼，便是因誤會而走在一起，因了解而蟬過別枝，何苦來由，到頭來，傷了別人，苦了自己。
切記切記，小心提防墮入愛情迷陣，身陷囹圄而不能自拔～
朋友，當你要投入一段感情的時候，請先問問自己：我準備好未？也問問對方：are you ready?
http://hk.myblog.yahoo.com/kingking9919/article?mid=768
肅然起敬 2006-12-11 08:04
有句話，唔到你唔信，所謂物以類聚，臭甕出臭草。
朋輩影響好緊要，所以要小心選擇朋友。
而另一方面，十步之內，豈無芳草，有d人只係貪玩，有d人就需要人教育一下，而有d人，只要有人關心，就會回歸正途…
生命影響生命，如果能給一些人一些機會，也許，又是另一片天，另一個故事。
好男人是有的，好女人也不少，但緣份依家野，講明係緣份，真係要有緣至能相見。
所謂好男人，都總會有dd缺點，所謂好女人，亦都唔例外…
一切隨心，一切隨緣！
小玿^-^ 2006-12-11 01:00
肅然起敬 2006-12-09 10:27
第十位:用粗口駡女友
如果要到鬧人，用唔用粗口都係唔o岩o架啦！這個證明他的自制能力很弱，你還能對他有苛求嗎？
第九位:乸型 / 無主見
依個係社會技巧缺乏訓練，想要遷就人，又想人依從自己的意思，但又唔多識表達，的確係好令人懊惱！
第八位:財疏學淺, 井底之蛙 / 無大志
我聽人講，依d就係志大才疏，自卑變自大，佢未必冇大志，可能係有自知之明啦！
第七位:吹牛 / 應叻; 錢又無, 嗜好又多
吹水唔抹嘴，人窮嗜好多，可能好多人都係，最重要係點去面對，仲要識得節制至得！
(某程度上，寇仲講得o岩，瓣瓣唔中，依瓣都唔中，都真係有機會唔係男人喎！當然，係有例外。)
第六位:得一想二 / 老馮
好逸惡勞，貪多務得，相信係人o既劣根性，在成長的多程中，我們會學習知足常樂，然而，真正做到的會有幾人呢？
第五位:無風度 / 小氣
即使男女不平等，女仔都可以好有風度兼且大方呢！我的朋友中，反而係女性比較大方同有風度，如你所說，image!!!
不過，當一個小氣又冇風度的男生遇上如此高貴脫俗大方的女生，其尷尬可知，真係無地自容搵窿“捐”呀！
第四位:用情不專
既然你係明白，人的感情係好難控制，你又點去責怪一個多情種子呢！
然而，我絕對同意，如果一個人o既出發點就去“爛滾”，亂搞男女關係，則無論男女，都係玩火，自取其辱，傷害別人，傷害自己，醫生話，玩得多會傷身，一個唔覺意，仲會中埋愛滋，咁就真係累己累人啦！
第三位:MBA=Married but available
如果話係要負上責任，用責任感去束縛一個男人，這已經不是愛情了。那麼，這個自稱為MBA的，只是很正常地去“覓食”而已。所謂物必先腐而後蟲生，如果一個人的婚姻生活愉快又滿足，又點會出去偷食呢？
如上所述，如果依個人擺明係爛滾，咁結唔結婚對佢來說，根本結婚的對象都只係佢其中一個“滾”的對象，佢結婚的目的，同我地正常人諗o既「安定下來，組織小家庭，養兒育女，盡社會責任」可能相去甚遠呢！
第二位:明明自己想分手, 硬數女友不是作分手理由
推卸責任，絕對係不負責任，逃避責任的行為，但係偏偏又係人的天性，邊有細路哥做錯野會自動承認呀？華盛頓砍櫻桃樹的真實性又幾高呢？又係在成長中，我們學會勇於認錯，承擔責任，改過遷善。但係有d人，係永遠學唔會架，既然分手囉，對依d人來說，梗係要搵個理由，堂而皇之，全身引退，不過，女生看在眼裏，聽在耳中，都真係會好嬲好激氣！我深表同情。然而，隨著時日過去，你始終要忘記依個人，對於依個人的瘋言瘋語，你還會放在心中嗎^_^
第一位:o趙完鬆+唱
哇！依種人真係要捉來“五馬分屍，大卸八塊”，然後鞭屍餵狗！我冇野講！！！
[講講下，依d其實唔單只係男朋友，即使係作為一個普通人，中左其中三、五、七瓣o既，都應該好好反省檢討一下，如果唔係，都真係好難搵到個真心的朋友，真係要好自為之啦！]
小玿^-^ 2006-11-03 17:23
寇仲:唔係掛?
寇仲 2006-11-02 21:25
小玿^-^ 2006-10-29 17:38
小玿^-^ 2006-10-29 17:35
To:子華
你中邊幾樣先? 有D有得救, 咁你仲唔快D改^-^
sky 2006-10-29 17:33
可以列作教仔十誡,排名我非常讚同,尤其是第一位,簡直係人渣中的人渣,放係堆填區都縑佢臭!!!!
王子華 2006-10-29 01:56
哈哈....好應同......仲發現有幾點好似自己......死.....
小玿^-^ 2006-10-28 20:47
Cat:我都係有感而發jar!
肥du du:天涯何處無芳草,呢條草唔得, 揾過啦! 唔好禁灰^-^
catballou 2006-10-27 09:53
嘩! 寫得好!! 以上是但中一樣都死, 最慘好多男人同時中幾樣, 問你驚唔驚
catballou 2006-10-27 09:53
嘩! 寫得好!! 以上是但中一樣都死, 最慘好多男人同時中幾樣, 問你驚唔驚
肥 du du 2006-10-27 00:17