YOGA -- YIN

今日上YOGA，又BOOK左一個未試過既 YIN來上，之前聽朋友介紹，YIN比較靜態，但就會比較似拉筋的動作多D。

哇~~~真係不得了，朋友講得冇錯，真係好多都係D拉筋動作，HOLD得耐不特止，有好多都會有扯住扯住既感覺，可能我之前未試過咁樣拉法啦，所以總係覺得幾辛苦。由於YIN好多動作都比較靜態，所以我今日流汗既機會亦都唔係太多，不過我就覺得缺少左一個好爽既感覺，我都係比較鍾意之前上HATHA OR HOT咁流汗，做完全身鬆哂。

上YIN時可能未習慣，有一下用力過度，點知令到左腳小腿抽筋，嚇死我啦！HAHA~~~不過其實做下呢D拉筋既動作都未嚐唔係好事既，但我唸頂多我一星期上一次YIN夠了，我都係ENJOY HOT或者HATHA多D！

未試過GENTLE FLOW，下星期搵一堂試下先！