爆左

今日放工即刻飛返屋企再帶小虎出去睇醫生，好險呀，好彩趕得到，如果唔係真係唔知點算啦！

result係.....小虎肛門腺爆左...@@ 入面有少少膿，vet幫佢打左消炎止痛針，又幫佢洗傷口，姑娘話最好就可以用針筒(去左針) 打到d消毒藥水入爆左個傷口既窿入面，可以將入面d膿沖走埋，我見姑娘整真係驚心動魄，我一個人係屋企真係冇咩可能整到，佢話如果真係整唔到洗外面都係ok。

未洗傷口前vet已經話貓係會痛同有d唔 c 服既感覺，所以用條毛巾包實佢捉實佢~~ 不過小虎好乖呀，我明知佢唔自在，傷口一定痛佢都冇 "at"過一聲，只係用針筒射藥水入個窿時可能真係太痛先叫左幾聲同郁幾下，但都冇發哂狂咁亂郁 or 咬人 or出爪~呢個moment我真係心痛死~~~搞到我眼濕濕，睇住佢辛苦又幫唔到佢痛，好肉赤呀!! >.<~

家下小虎要食七日抗生素同三日消炎藥，仲要每日早晚洗傷口，食哂藥再去覆診，如果情況冇好轉 or 變差就提早覆診~~~~仲有，小虎家下做緊外星貓，帶左ufo~~~佢真係算係咁，好接受個ufo，完全冇想整甩既舉動！

我呢個阿媽真係大意呀，點解會留意唔到架!? 希望小虎快d好返啦，見到佢冇心機我做乜都冇心情~~~ >.<