Our Tea Gathering Oct 09'

今日係每兩個月一度的tea gathering，適逢其中一位tea lady都係十月生日，所以我地今個月既tea一於食豪d，今次揀左去四季high tea！四季其實係我地既 tea list裡面排左隊好耐，奈何每次都有新野插隊，所以delay, delay 再 delay到今次先可以食到！

呢度既 afternoon tea 係冇得booking，所以我地預早左少少去 walk-in 諗住去等位，不過好好，去到時 waitress 幫我地登記左，大約 2:45pm 都安排左我地入座，都唔使等好耐。

我地叫左兩個afternoon tea set，初時仲驚住唔夠，點知食到後期就開始飽飽地啦~~ 不如睇下我地個 tea set，都好靚架~~~

呢個係第一層既sandwitches


就係呢個scones，整飽左我地啦 hahaha~~~


第三層既甜點~~~


甜點仲有呢d~


食到後期，原來每人可以refill一款甜點，而我地就揀左呢四款啦....






呢一款係我揀既，初時以為會好甜好甜，因為以前食過覺得唔好食，不過呢個做得唔錯，唔會太甜，脆脆地都幾好食架！




我覺得呢個波波好靚


d吊燈都好得意~~~~環境都算幾舒服架！

今日tea，仲見到商界名人，新鴻基既話事人 郭炳x (我真係分唔清佢地邊個打邊個，只係認得個髮型 hahahah~~~)。

大家飲飽食醉後就因為仲飽，冇咁快可以食dinner，所以各自搵節目了，我原本就想返屋企，但點知搭巴士時訓著左去左觀塘，咁順勢就去行下apm一陣，之後都返左屋企啦！星期日就咁完滿了~~ ^^