學做羅賓漢(一)

今晚上我第一堂既初級射箭訓練班，大約有十二個學員，但只有我同另一位女士係初哥，其餘既學員都曾經學過。

今晚個教練，先同我哋兩個講解吓，射箭既工具及裝備，當中包括有『弓』、『LIM』、『弦』、『弓架』、『瞄準器』、『準升』、『護衣』、『護指』、『弓箭』及『箭袋』等，唔知有無記錯同記漏，總之係好多嘢，消化不良啦！最後教我哋，用以上某些工具，組裝成一把弓

講解完後，開始教我哋，握弓既正確手法及守則，原來姿勢唔正確，會出現好危險事情，到我握弓時，覺得把弓好重，而弦線要好用力拉，正當我出晒力時，個教練話唔使太用力，即時再教我握弓及用力既方法，經一輪練習之後，開始正式練射箭靶(其實我在學習時，其餘既學員，都己經射咗好多次靶了)。

當我引弓射出第一箭時，竟然比我射中咗個..........地下，個教練同我講係正常，咁唔得個喎，第二箭一定要射中，咁第二箭一出，今次射中咗個大靶，但離個圓圈箭靶好遠，教練話好好多喇，可以中到個大靶，好....第三箭一定要射中，第三箭一出，今次即中個圓圈箭靶，個教練今次竟然，之後，一直練射，有一次重射中接近個中心點潻。

起初以為射箭好難，原來有教練指導後，只要學好正確姿勢，都唔係太難，今晚之後，對呢個運動認識多咗，興趣大咗，日後，還有十幾堂學，希望有進步啦。