網誌分類：親子活動 |
圖片
網誌日期：2009-11-07 17:29
昨天mami一日分別出了三次街, 加希都好乖, 留在家同姐姐玩. 昨晚他點幾先瞓, 今早仍一早起身, 因他知道今日係Saturday.
今日近近地同佢去左西貢, 等左好耐小巴, 加希遊遊下車河都瞓著了.
去到碼頭, 加希想坐船, 不過我地又唔想去咁遠, 等下次plan好d先啦.
加希見到狗仔扮驚, 但又要望喎! 果度真係好多狗, 大大小小的都有.
呢個汽球加三隻翼就會飛上天, 加希好鐘意, 不過飛的時候會發出噪音.
以前加希好驚坐呢d入錢會郁的車, 但今日又好enjoy, 終於大個仔啦!
一元可以玩幾分鐘, 好抵! 果度d舖仔賣野既又幾平, 另外買了兩個小玩意給加希.
食晏的時候, 加希在餐廳內發生了小意外, 就是不小心把手指插了入水樽的孔內, 而且插得很實, 拉了很久都拉不出, 他當然痛到喊啦, 最後外籍店員叔叔幫手, 小心的把手指仔拉返出來. 他還很好人的請加希飲蘋果汁. 無事啦!!
